لەناو مەنهۆڵەکانى هەولێر (400) تۆن خۆڵ و خاشاک دەردەهێندرێت کوردستانی

نوچەنێت:

پارێزگاى هەولێر لە ڕاگەیێندراوێکدا ئاشکراى دەکات، "تیمەكانی بەڕێوەبەرایەتیی ئاو و ئاوەڕۆی هەولێر، لە چوارچێوەى هەڵمەتی گشتگیرى پاککردنەوەى ئاوەڕۆ و ژێر پردەكانی شاری هەولێر و سەرجەم چاڵەکانی ئاو وەرگرتن و مەنهۆلەکان نزیكەی 400 تۆن خۆڵ دەرهێناوە."

ئەمڕۆ یەکشەممە (نۆى/تشرینى یەکەم/2022) پارێزگاى هەولێر ڕاگەیاند، "سەرجەم چاڵەکانی ئاو وەرگرتن و مەنهۆلەکان بەر لە وەرزی باران بارین و بەمەبەستی ڕووبەڕووبوونەوەی هەر مەترسییەكی كۆبوونەوەی ئاوی زیادە و دروستبوونی لافاو لەشارى هەولێر، لە هەڵمەتێكدا نزیكەی 400 تۆن خۆڵ و خاشاك و قوڕولیتەیان لە 10 وێستگەی ناو خەزانی ژێر پردەكانی شاری هەولێر دەرهێناوە."

بەپێى ڕاگەیێندراوەکەى پارێزگاى هەولێر هەڵمەتەکە "هەموو ئەو شوێنانە دەگرێتەوە مەترسیی كۆبوونەوەی ئاوی زیادە و لافاویان لێ دەكرێت، لەلایەن تیمەكانی بەڕێوەبەرایەتیی ئاو و ئاوەڕۆى هەولێر و خزمەتگوزاریی ژینگەپارێزی و شارەوانی و كرێكارانی خاوێنكردنەوە بە بەشداری سەدان ئامێر و كرێكار، خۆڵ و خاشاك و قوڕولیتەی ژێر پردەكان لە فەردە دەكرێت و دواتر بە كرێن و بەدەست و بەپشت لەلایەن كرێكارەكانەوە دەهێندرێتە سەر شەقام و كۆدەكرێتەوە."

 

 

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین