سەرۆک بارزانى: ئەنجامى کۆنگرە قبووڵ بکەن کوردستانی

نوچەنێت:

سەرۆک مەسعود بارزانى، لە وتارى کۆتاییهاتنى کۆنگرەى (14)ـى پارتى دیموکراتى کوردستان بە ئەندامانى کۆنگرەى (14)ى ڕاگەیاند، "ئەنجامى کۆنگرە قبووڵ بکەن"، گووتیشى، "کاتى هیممەت و خزمەتکردنە."

ئەمڕۆ یەکشەممە (شەشى/تشرینى دووەم/2022) سەرۆک مەسعود بارزانى لە وتارى کۆتاییهاتنى کۆنگرەى (14)ـى پارتى ڕاگەیاند، "تکات لێدەکەم کەس نیگەران نەبێت و بە گیانى برایانە ئەنجامى کۆنگرەى قبووڵ بکەن، وە هیچ کەسێک زیاد نییە لەنێو پارتى."

سەرۆک بارزانى، لە بەشێکى ترى وتارەکەیدا ئاماژە بەوەکرد، سەرکەوتنى کۆنگرە سەرکەوتنى هەموومانە، دەشڵێت، "هەندێ لایەن ژوورى ئۆپراسیۆنیان دروستکردبوو، چاوەڕێى لەتبوونى پارتیان دەکرد."

سەبارەت بە هەڵبژاردنى سەرۆک نێچیرڤان بارزانى و مەسرور بارزانى، بۆ جێگرى سەرۆکى پارتى دیموکراتى کوردستان، پشتیوانى خۆى بۆ دەربڕین و سەرۆک مەسعود بارزانى ڕاگەیاند، "نێچیرڤان بارزانى و مەسرور بارزانى وەکو من و ئیدریس بارزانى دەبن."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین