سەرۆک بارزانی سەرەخۆشی لە عەشیرەتی شەممەر لە سوریا دەکات کوردستانی
سه‌رۆك مه‌سعود بارزانی، بۆ كۆچی دوایی شێخ حەمیدی دەهام ئەلجەربا، سه‌رۆكی هۆزی شه‌ممه‌ر، په‌یامێكی پرسه‌نامه‌ی ئاراسته‌ی هۆزی شه‌ممه‌ر كرد و تێیدا رایگه‌یاند، "کۆچکردوو دۆستێکی دێرینی ئێمە و گەلەکەمان بووە."

ئەمرۆ هەینی (11/تشرینی دووەم/ 2022) سەرۆك مەسعود بارزانی لە پەیامێكدا پرسنامەی ئاڕاستەی شێخ حەمیدی دەهام ئەلجەڕبای، شێخی هۆزی شەمەڕ كرد، لە بەشێكی ئەو پرسەنامەدا هاتووە، " بەم بۆنە خەمناكەوە سەرەخۆشی لە خۆمان و خانەوادەكەی و هۆزی شەممەڕ دەكەین."

ده‌قی په‌یامه‌كه‌: 

 بەناوی خودای گەورە و میهرەبان

 بە باوەڕبوون بە قەزا و قەدەری خودای گەورە، بە داخ و پەژارەیەكی زۆرەوە شێخ حەمیدی دەهام هادی ئەلجەڕبای شێخی هۆزی شەممەڕ له سووریا كۆچی دوایی كرد، و بەویستی خودای گەوره لەنێو خۆشەویست و دۆستانی له کوردستان ماڵئاوایی لێ كردین.

کۆچکردوو دۆستێکی دێرینی ئێمە و گەلەکەمان بووە، بە درێژایی تەمەنی کاری بۆ پتەوکردنی پەیوەندییەکانی نێوان عەرەب و کورد لە سوریا و عێراق کردووە.

بەم بۆنە خەمناكەوە سەرەخۆشی لە خۆمان و خانەوادەكەی و هۆزی شەممەڕ دەكەین ، و لە خودای گەورە دەپاڕێینەوە خوالێخۆشبوو بە بەهەشتی بەرینی شاد بكات و سەبر ئارامی بە ئێمە و خانەوادە و هۆزەكەی ببەخشێت .

 انا لله وانا اليه راجعون

 مسعود بارزانی

 ١١ی تشرینی دووەمی ٢٠٢٢ی زایینی

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین