دواى مانگێک پەرلەمانى کوردستان دەست بە دانیشتنەکانى دەکاتەوە کوردستانی

نوچەنێت:

دەستەى سەرۆکایەتیى پەرلەمانى کوردستان، بانگهێشتى ئەندامانى پەرلەمان دەکات بۆ کۆبوونەوە، کە تێیدا خوێندنەوە بۆ دوو پڕۆژەیاسا و پێشنیازە یاسایەک دەکات.

ئەمڕۆ یەکشەممە (13/تشرینى دووەم/2022) پەرلەمانى کوردستان ڕاگەیاند، ڕۆژى سێشەممە (15)ـى تشرینى دووەم کۆدەبێتەوە و داوا ئەندامانى پەرلەمانى کوردستان ئامادەى کۆبوونەوەکە بن.

بەپێى ڕاگەیێندراوەکەى پەرلەمانى کوردستان کارنامەى دانیشتنەکەى ڕۆژى سێشەممە بریتییە لە:

یەکەم: خوێندنەوەی یەکەم بۆ پرۆژە یاسای (بەرکارکردن وهەمواری پیادەکردنی یاسای کەرەنتینی کشتوکاڵیی عێراقی).

دووەم: دەنگدان لەسەر پڕۆژە یاسای (پەروەردەو فێرکاری لە هەرێمی کوردستان- عێراق).

سێیەم: خوێندنەوە دووەم بۆ پێشنیازە یاساکانی (پاراستنی ئاژەڵان لە هەرێمی کوردستان-عێراق) ، (هەمواری پیادەکردنی یاسای بەڕێوەبردنی ئەوقاف) و (هەمواری یەکەمی یاسای ئەنجومەنی شورای هەرێمی کوردستان-عێراق

ئەم بانگهێشتکردنەى ئەندامانى پەرلەمان لە کاتێکدایە، ماوەى زیاتر لە یەک مانگە پەرلەمانى کوردستان کۆنەبۆتەوە، دواین کۆبوونەوەى پەرلەمان ڕۆژى (9)ـى تشرینى یەکەمى (2022) بوو، کە تێیدا تەمەنى پەرلەمانى کوردستان درێژکرایەوە

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین