سه‌رۆك نێچیرڤان بارزانى و فالح فه‌یاز: پاراستنى سەقامیگریى عێراق بەرپرسیاریەتیى هەموو لایەنەکانە کوردستانی

نوچەنێت:

لە چوارچێوەى سەردانییەکەى بۆ بەغدا، سەرۆکى هەرێمى کوردستان سه‌رۆكى ده‌سته‌ى حه‌شدى شه‌عبى، دوایین "پێشهاته‌كانى دۆخى ئه‌منیى وڵات و هه‌ڕه‌شه‌ و مه‌ترسییه‌كانى تیرۆر و كرده‌وه‌كانى داعش" تاوتوێ دەکەن.

ئێواره‌ى ئه‌مڕۆ سێشه‌ممه‌ (22/تشرینى دووەم/2022) سەرۆک نێچیرڤان بارزانى، سه‌رۆكى هه‌رێمى كوردستان له‌گه‌ڵ فالح فه‌یاز، سه‌رۆكى ده‌سته‌ى حه‌شدى شه‌عبى کۆبووەوە.

بەپێى ڕاگەیێندراوى سەرۆکایەتیى هەرێمى کوردستان، بە کۆبوونەوەکەدا، "هه‌ردوولا جه‌ختیان له‌ پێویستى و گرنگیى فراوانكردنى هاریكارى و هه‌ماهه‌نگیى زیاترى نێوان پێشمه‌رگه‌ و سوپاى عێراق و هێزه‌ ئه‌منییه‌كان بۆ به‌ره‌نگاربوونه‌وه‌ى مه‌ترسى و هه‌ڕه‌شه‌كانى داعش و به‌تایبەتى له‌ ناوچه‌كانى مادده‌ى 140 و له‌ناوبردنى یه‌كجاره‌كییان كرده‌وه‌."

سەرۆک نێچیرڤان بارزانى و فالح فەیاز لە کۆبوونەوەکەدا، گفتوگۆیان دەربارەى "پاراستنى ئارامى و سه‌قامگیریى ئه‌منى و سیاسى و سه‌روه‌ریى وڵات و پته‌وكردنى هاریكارى و به‌رپرسیاریه‌تیى هاوبه‌شى لایه‌نه‌ سیاسییه‌كان و پێكهاته‌كانى عێراق بۆ ئه‌مه‌ مه‌به‌سته، له‌گه‌ڵ بۆردومان و به‌ئامانجگرتنى هه‌رێمى كوردستان له‌لایه‌ن وڵاتانى دراوسێوه‌" کرد.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین