ئه‌مڕۆ په‌رله‌مانى عێراق دوایین بڕیار له سه‌ر بودجه ده‌دات
نوچه‌نێت
بڕیاره ئه‌مڕۆ هه‌ینى 19ى ئادارى 2021 په‌رله‌مانى عێراق دانیشتنێكى تایبه‌ت بۆ ده‌نگدان له‌سه‌ر بودجه ئه‌نجام بدات.
به‌گوێره‌ى ئه‌و زانیاریانه‌ى له میدیاكانى عێراق له‌سه‌ر زارى په‌رله‌مانتاران بڵاوكراونه‌ته‌وه دانیشتنه‌كه كاتژمێر یه‌كى نیوه‌ڕۆ ده‌بێت و به‌ڵام به‌ر له‌م دانیشتنه، كۆبوونه‌وه‌یه‌كى "یه‌كلاكه‌ره‌وه" له لیژنه‌ى دارایى په‌رله‌مان به‌ڕێوه‌ده‌چێت بۆئه‌وه‌ى دوایین بڕیار له‌سه‌ر پشكى هه‌رێمى كوردستان له بودجه‌ى گشتى عێراق بدات.
سه‌رچاوه‌یه‌ك له په‌رله‌مانى عێراق به ماڵپه‌ڕى به‌غداد توده‌ى راگه‌یاندووه، له‌و كۆبوونه‌وه‌ى به‌ر له دانیشتنى په‌رله‌مانى ده‌كرێت هه‌وڵى رێككه‌وتنی كۆتایى له‌سه‌ر پشكى هه‌رێمى كوردستان ده‌درێت و ئه‌گه‌ر نه‌گه‌یشتنه رێككه‌وتنیش و كوردیش دانیشتنه‌كه بایكۆت بكات ئه‌وا هه‌ر ده‌نگ به بودجه‌كه ده‌درێت.
د. به‌شیر حه‌داد جێگرى دووه‌مى سه‌رۆكى په‌رله‌مانى عێراق له لێدوانێكى رۆژنامه‌وانى كه له ماڵپه‌ڕى فه‌رمى په‌رله‌مانى عێراق بڵاوكراوه‌ته‌وه گه‌شبینه به‌وه‌ى ئه‌مڕۆ رێككه‌وتنى كۆتایى بكرێت و ده‌شڵێ، "هه‌رێمى كوردستان ناڕه‌زایى نییه له‌وه‌ى له‌برى ده‌قى ماده‌ى 11ى پرۆژه یاساى بودجه تاوتوێى هه‌ر پێشنیارێكى تر بكرێت".
دوێنێ په‌رله‌مانتاران و به‌رپرسى حكومه‌تى عێراق دووپاتیان له‌سه‌ر ئه‌وه كرده‌وه كورد و زۆرینه‌ى په‌رله‌مانتاران له‌گه‌ڵ ئه‌وه‌ن ئه‌و ده‌قه‌ى حكومه‌تى عێراق ناردوویه‌تى بۆ په‌رله‌مان هه‌ر ئه‌وه په‌سند بكرێت. ده‌قه‌كه‌ى ئه‌وه‌یه حكومه‌تى هه‌رێمى كوردستان رۆژانه بڕى 250 هه‌زار به‌رمیل نه‌وت و نیوه‌ى داهاتى نانه‌وتى راده‌ستى به‌غدا بكات و له‌به‌رانبه‌ردا پشكى هه‌رێمى كوردستان به رێژه‌ى 12.67% له بودجه‌ى گشتى عێراق بدرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment