نێچیرڤان بارزانى: دهبێ پشتیوانیی لە ئافرەتان بکرێت و دەرفەتی زیاتریان پێ بدرێت
نوچەنێت:
ئەمڕۆ یەکشەممە (11/کانوونى یەکەم/2022) نێچیرڤان بارزانى، جێگرى یەکەمى سەرۆکى پارتى دیموکراتى کوردستان لە (70)هەمین ساڵیادی دامەزراندن یەکێتیى ئافرەتانى کوردستان پەیامێکى بڵاوکردەوە و تێید هاتووە، "یەکێتیی ئافرەتانی کوردستان خاوەن مێژوویەکی پڕشنگدار و رۆڵێکی کاریگەره."
دەقی پەیامی نێچیرڤان بارزانی، جێگرى یەکەمى سەرۆکى پارتى دیموکراتى کوردستان:
لە (70)هەمین ساڵیادی دامەزراندنیدا، به گهرمى پیرۆزبایى له یەکێتیی ئافرەتانی کوردستان و سەرجەم ئافرەتانی کوردستان دەکەم، هیواى سهركهوتن و پێشکەوتنی بهردهوامیان بۆ دهخوازم.
یەکێتیی ئافرەتانی کوردستان خاوەن مێژوویەکی پڕشنگدار و رۆڵێکی کاریگەره له خەباتی نیشتمانیدا و یەکێك لە پێشەنگانی خەباتی مەدەنی و رێکخراوەیى و هەمیشە ناوەندێکی دیارى پێگەیاندنی تێکۆشەران بووه لە ئافرەتانی قوربانیدەر و سەرکردە لە بوارى مەدەنی و سیاسی و پەروەردەیی و فەرهەنگیى كوردستاندا.
دامهزراندنی یەکێتیی ئافرەتانی کوردستان بهرله (70) ساڵ، زادهى هەبوونی بیری یەکسانیخوازییە لە ڕوانگە و بیروباوەڕی بارزانیی نهمر و پارتی دیموکراتی کوردستاندا، ههروهها بەڵگەی بڕوابەخۆبوون و زیندوویەتیی ئافرەتانی کوردستانە لە بینینی رۆڵی بەرپرسیارانەیان لە مێژووی گەلەکەماندا.
ئافرەتانی کوردستان سەلماندوویانە کە لە سەرجەم بوارەکاندا خاوەن بەهرە و توانا و لێهاتوون، دهبێ پشتیوانیی زیاتر لە رۆڵ و بەشداریی کارایان بکرێت و دەرفەتی زیاتریان پێ بدرێت بۆ خزمەتکردنی زیاتری کۆمەڵگاکەمان.
هەر بەم بۆنەیەوە، پشتیوانیی تەواومان بۆ یهكێتیى ئافرهتانى كوردستان دووپاتدەکەینەوە لە خەباتی رێکخراوەیی و مەدەنییان بۆ داکۆکیکردن لە ماف و خواستەکانی ئافرەتان و بەهێزکردنی بنەماکانی کولتووری یەکسانی لەپێناو کۆمەڵگایەکی پێشکەوتووی سەردەمیانەدا.
بەرز و پیرۆز بێت ساڵیادی دامەزراندنی یەکێتیی ئافرەتانی کوردستان.
سڵاو بۆ گیانی پاکی شەهیدانی یەکێتیی ئافرەتانی کوردستان و سەرجەم شەهیدانی کوردستان.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment