دوو ژنان بە تۆمەتى دزینى (15) هەزار دۆلار دەستگیر دەکرێن کوردستانی

نوچەنێت:

بەڕێوەبەرایەتیى پۆلیسى ڕایگەیاند، بە تۆمەتى دزین بڕێکى زۆر پارە و ئاڵتوون دوو ژنیان دەستیگر کردووە.

ئەمڕۆ چوارشەممە (14/کانوونى یەکەم/2022) پۆلیسى سلێمانى ڕایگەیاند،  "بەتۆمەتی دزینی پارە و ئاڵتون، مەفرەزەكانی بنكەی پۆلیسی حەساری سەربەبەشی پۆلیسی سەید سادق بەهاوکاری نوسینگەی نەهێشتنی تاوانی کوردسات دوو ژنیان دەستگیركرد."

دواى تۆمارکردنى چەند سکاڵایەک لەلایەن هاوڵاتییانەوە، کە دزییان لیکراوە، پۆلیسى سلێمانى دەڵێت، "دوای‌ گەڕان و بەدواچوونەكان، توانرا هەردوو تۆمەتبار (ئـ، م، ح) لەدایكبووی‌ 1997 و (ژ، ف، ع) لەدایكبووی‌ (1976) لەلایەن ‌ سەیدسادقەوە دەستگیر بكرێن."

لە ڕاگەیێندراوێکدا ئاماژە بەوە دەکات، "لە كاتی‌ دەستگیركردنی‌ تۆمەتبارەكاندا دەستیشگیرا بەسەر زیاتر لە 15 هەزار دۆلاری ئەمریكی و بڕێكی زۆر ئاڵتوندا."

ئاماژە بەوەشدەکات، هەردوو تاوانبار لێکۆڵینەوە لەگەڵیان بەردەوامە و لە هەریەك لە نوسینگەكانی‌ نەهێشتنی تاوانی ئیبراهیم ئەحمەد، ناوبازاڕ،‌ بنكەی پۆلیسی‌ كەلار، دەربەندیخان‌ و هەڵەبجە سكاڵای یاساییان لەسەر تۆماركراوەو داواكراون.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین