سەرۆک نێچیرڤان بارزانى ئیدانەى هێرشەکەى پاریس دەکات کوردستانی

نوچەنێت:

سەرۆکى هەرێمى کوردستان، لە بارەى هێرشەکەى سەر ناوەندى کولتووریى ئەحمەد کایە لە فەرەنسا، پەیامێکى بڵاوکردەوە و دەڵێت،  "دڵنیام لایه‌نه‌ په‌یوه‌ندیداره‌كانى فه‌ره‌نسا دادپه‌روه‌رى بۆ قوربانییان و خێزانیان جێبه‌جێ ده‌كه‌ن."

ئێوارەى هەینى (23-12-2022) ناوەندى کولتووریى ئەحمەد کایە لە فەرەنسا لەلایەن هاووڵاتییەکەوە هێرشى کرایەسەر و بەو هۆیەوە سی کورد گیانیان لەدەستدا. سەرۆک نێچیرڤان بارزانى، سەرۆکى هەرێمى کوردستان لە تویتەر پەیامێکى بڵاوکردەوە و هاوخەمى خۆى بنەماڵەى قوربانییەکان دەربڕى.

سەرۆک نێچیرڤان بارزانى، لە تویتێکدا نووسیویەتى، "ئیدانه‌ى كوشتنى ئه‌مڕۆى سێ كه‌سى كورد له‌ پاریس ده‌كه‌م، هاوخه‌مى خێزانه‌كانیانم. سوپاسى به‌ده‌نگه‌وه‌هاتنى سه‌رۆك ماكرۆن ده‌كه‌م."

سەرۆکى هەرێمى کوردستان لە بەشێکى ترى پەیامەکەیدا ئاماژە بەوە دەکات، "دڵنیام لایه‌نه‌ په‌یوه‌ندیداره‌كانى فه‌ره‌نسا دادپه‌روه‌رى بۆ قوربانییان و خێزانیان جێبه‌جێ ده‌كه‌ن. فه‌ره‌نسا هه‌میشه‌ پشتیوانى گه‌لى كوردستان بووه."

لە هێرشەکەى پاریس کە لە کوژرانى سێ هاووڵاتى کورد، سێى دیکەش بریندار بوون، کە لەلایەن کەسێکى (69) ساڵەوە ئەنجامدراوە و تاوەکو ئێستا هۆکارەکەى دیار نییە.

دواى دەستگیرکردنى هێرشکەرە فەرەنسییەکە، لەلایەن پۆلیسەوە بە بریندارى گوازراییەوە نەخۆشخانە.

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین