دوو ملیۆن هاووڵاتى ناوى خۆیان بۆ هێزەکانى پاسەوانى سنوور تۆمارکردووە کوردستانی

نوچەنێت:

زیاتر لە (2) ملیۆن هاووڵاتى فۆڕمى دامەزراندنى هێزەکانى پاسەوانى سنووریان پڕکردۆتەوە. وتەبێژى ناوچەى یەکى پاسەوانى سنوور دەڵێت، لەئێستادا هەموو لیواکانی پاسەوانی سنوور درۆنی چاودێریمان هەیە و بڕیارە حکومەتی عێراق ئامێر و پێداویستی پێشکەوتوویان بۆ بنێرێ.

ئەمڕۆ سێشەممە (17/کانوونى دووەم/2023) عەقید کاروان خۆشناو، وتەبێژی ناوچەی یەکی ھێزەکانی پاسەوانی سنووری عێراق بەرووداوى رایگەیاند، تائێستا (12) ملیۆن کەس سەردانی ماڵپەڕەکەیان کردووە، ئەگەرچى دوو ملیۆن کەس خۆیان تۆمارکردووە، لەکۆی ئەو کەسانەی فۆرم پڕدەکەنەوە، بەڵأم تەنیا دوو هەزار و (621) کەس لە هەموو عێراق دادەمەزرێن.

بەپێى وتەى عەقید کاروان خۆشناو، هەولێر و بەغدا کۆبوونەتەوە لەسەر ئەو پرسە بۆ ئەوەى پشکی زۆری دامەزراندنەکە بەر هەرێمی کوردستان بکەوێت.

وتەبێژى ناوچەى یەکى پاسەوانى سنوور ئاماژەى بەوەکرد، دامەزراندنی ئەو پاسەوانانە تایبەتە بە سنوورى پارێزگاکانی هەولێر، دهۆک و سلێمانی، سنوورەکەى هەزار و (30) کیلۆمەترە.

هەروەک گوتیشى، ئەو کەسەى دادەمەزرێت، دەبێ تەمەنی لەنێوان (17) تا (35) ساڵ بێت، لە دایک و باوکێکی عێراقی بێ، پێویستە بڕوانامەی سەرەتایی و دواناوەندیی هەبێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین