پۆلیسى سلێمانى شەش کەس بە تۆمەتى بەکارهێنانى ماددەى هۆشبەر دەستگیر دەکات کوردستانی

نوچەنێت:

بەڕێوەبەرایەتیى پۆلیسى سلێمانى ڕایگەیاند، "مەفرەزەكانی بەشی پۆلیسی نەهێشتنی تاوانی سلێمانی باندێكی شەش كەسییان دەستگیركرد كە تۆمەتبارن بە بەكارهێنان‌و بازرگانیكردن بەمادەی هۆشبەرو دزیكردن."

ئەمڕۆ یەکشەممە (22/کانوونى دووەم/2023) پۆلیسى سلێمانى بڵاویکردەوە "له‌كاتی‌ ده‌ستگیركردنی‌ دوو تۆمه‌تبار كه‌ تاوانی‌ دزیكردنیان ئه‌نجامدابوو، مەفرەزەكانی بەشی پۆلیسی نەهێشتنی تاوانی سلێمانی چاودێری‌ تۆمه‌تباریان كردو ده‌ركه‌وت كه‌ تۆمه‌تباره‌كان لەگەڵ چەند تۆمەتبارێكی تردا باندێكی دزیكردن ‌و بەكارهێنەرو بازرگانیكردنی مادەی هۆشبەرن."

پۆلیسى سلێمانى ئاماژە بەوەدەکات، "بەهاوكاری نوسینگەی نەهێشتنی دزینی ئۆتۆمبێل توانرا سەرجەم تۆمەتباران دەستگیربكەن‌و لەكاتی دەستگیركردنیشیاندا دەستگیرا بەسەر بڕێك مادەی هۆشبەرو دوو چەك لەجۆری دەمانچە."

دەشڵێت، "لەئێستادا سەرجەم تۆمەتباره‌كان كە ژمارەیان شەش تۆمەتبارە بەناوەكان، بەبڕیاری دادوەر ڕاگیراون‌و دانیان ناوە بەتاوانەكەیاندا كه‌ چەندین تاوانی دزیكردنیان لەسنوری پارێزگای‌ سلێمانی ئه‌نجامداوه‌و لێكۆڵینەوەكان لەگەڵیاندا بەردەوامە."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین