هەڵبژاردەى تۆپی پێى عێراق سەردانى هەولێر دەکەن کوردستانی

نوچەنێت:

شاندى هەڵبژاردەى تۆپى پێى عێراق، لە فڕۆکەخانەى نێودەڵەتیى هەولێر گەیشتنە هەولێر. وا بڕیارە سەرۆکى سەردانى سەرۆک نێچیرڤان بارزانى،  سەرۆکى هەرێمى کوردستان بکەن.

ئێوارەى ئەمڕۆ سێشەممە (24/کانوونى دووەم/2023) هەڵبژاردەى یەکەمى تۆپى پێى عێراق گەیشتنە هەولێر و لەلایەن فەوزی هەریری، سەرۆکی دیوانی سەرۆکایەتیی هەرێمی کوردستان، ئومێد خۆشناو، پارێزگاری هەولێر و سەرۆکى وەرزشى هەرێمى کوردستان لە فڕۆکەخانەى نێودەڵەوتیى هەولێر پێشوازیان لێکرا.

 شاندى تۆپى پێى هەڵبژاردەى عێراق سەردانى سەرۆک نێچیرڤان بارزانى، سەرۆکى هەرێمى کوردستان دەکەن، بەپێى زانیارییەکان لەلایەن سەرۆکى کوردستان ڕێزیان لێدەگیرێ.

ئەم سەردانەى هەڵبژاردەى عێراق لەکاتێکدایە، دواى بردنەوەى جامى کەنداوى 25، ڕۆژى شەممە (21)ـى کانوونى دووەم، لەلایەن محەممەد شیاع سوودانی، سەرۆک وەزیرانی عێراق و سەرۆک نێچیرڤان بارزانی، سەرۆکی هەرێمی کوردستانەوە لە ئەنجوومەنی وەزیرانی عێراق پێشوازییان لێکرا. 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین