سه‌رۆك نێچیرڤان بارزانى: زه‌مینه‌یه‌كى له‌بار هەیە بۆ كۆبوونه‌وه‌ى لایه‌نه سیاسییه‌كان بهتایبهتى پارتى و یه‌كێتى
نوچەنێت:
ئیواره‌ى ئه‌مڕۆ سێشه‌ممه (24/كانوونى دووەم/2023) سه‌رۆك نێچیرڤان بارزانى، پێشوازى له ڕۆزمارى دیكارلۆ، بریكارى سكرتێرى گشتیى نه‌ته‌وه یه‌كگرتووه‌كان بۆ كاروبارى سیاسى و بنیاتنانى ئاشتى و شاندێكى یاوه‌رى كرد كه له جینین پلاسخارت نوێنه‌رى سكرتێرى گشتیى نه‌ته‌وه یه‌كگرتووه‌كان له عێراق و چه‌ند به‌رپرسێكى دیكه‌ى نه‌ته‌وه یه‌كگرتووه‌كان پێكهاتبوو.
بەپێى ڕاگەیێندراوى سەرۆکایەتیى هەرێمى کوردستان، "له كۆبوونه‌وه‌یه‌كدا دۆخى هه‌رێمى كوردستان و هه‌وڵه‌كان بۆ ڕێككه‌وتنى لایه‌نه سیاسییه‌كان له‌سه‌ر پرسى هه‌ڵبژاردن، كۆمسیۆنى هه‌ڵبژاردن و بۆچوونى پێكهاته‌كان له‌سه‌ر هه‌ڵبژاردن، په‌یوه‌ندییه‌كانى هه‌ولێر ـ به‌غدا، شه‌ڕى دژى تیرۆر، دۆخى ئێزدییه‌كان و ناوچه‌ى شه‌نگال"، تاوتوێ كران.
سه‌رۆك نێچیرڤان بارزانى ستایشى ڕۆڵى نه‌ته‌وه یه‌كگرتووه‌كانى له عێراق كرد "چ له كاركردن له نزیكه‌وه له‌گه‌ڵ لایه‌نه په‌یوه‌ندیداره‌كان چ له هه‌رێمى كوردستان، چ له عێراق، وه‌ك هاوكار و یارمه‌تیده‌رێك بۆ ڕێگه‌خۆشكردن بۆ چاره‌سه‌ركردنى كێشه‌كان و پاراستنى سه‌قامگیرى و ئاشتى."
سەبارەت بە دۆخى سیاسى هەرێمى کوردستان، سەرۆکى هەرێمى کوردستان دووپاتى كرده‌وه کە، "كه‌ش و زه‌مینه‌یه‌كى له‌بار بۆ كۆبوونه‌وه‌ى لایه‌نه سیاسییه‌كان بهتایبهتى پارتى و یه‌كێتى و گفتوگۆى چاره‌سه‌ركردنى كێشه‌كانیان هه‌یه كه ڕێخۆشكه‌ر ده‌بێت بۆ چاره‌سه‌ركردنى كێشه‌كان و پرسه‌كانى تایبه‌ت به هه‌ڵبژاردن و ده‌ستنیشانكردنى ڕۆژێك بۆ ده‌نگدان."
لە بارەى پەیوەندییەکانى هەرێم و بەغدا ئاماژەى بەوەکرد، "ئه‌و كه‌شه ئه‌رێنییه‌ى ئه‌م دواییه بۆ گفتوگۆى نێوان هه‌ردوولا و هه‌وڵى چاره‌سه‌ره‌كردنى كێشه‌كانى نێوان هاتووه ئاراوه، بهتایبهتى ده‌رباره‌ى یاساى بودجه‌ى عێراق و یاساكانى نه‌وت و گاز و دابه‌شكردنى داهاته‌كان، یارمه‌تیده‌ر ده‌بێت بۆ ئارامى و سه‌قامگیریى وڵات."
لە ڕاگەیێندراوەکەداهاتووە، "هه‌ردوولا هاوڕا بوون له‌سه‌ر گرنگیى جێبه‌جێكردنى ڕێككه‌وتنى پێكهێنانى حكوومه‌تى فیدراڵیى عێراق و كارنامه‌كه‌ى، هه‌روه‌ها پێویستیى به‌رده‌وامیى هه‌ماهه‌نگى و هاوكاریى حكوومه‌تى هه‌رێمى كوردستان و حكوومه‌تى فیدراڵیى عێراق له به‌ره‌نگاربوونه‌وه‌ى داعش بهتایبهتى له ناوچه‌كانى ماده‌ى 140، جه‌ختیشیان له گرنگیى جێبه‌جێكردنى ڕێككه‌وتنى حكوومه‌تى هه‌رێمى كوردستان و حكوومه‌تى فیدراڵیى عێراق بۆ ئاساییكردنه‌وه‌ى دۆخى شه‌نگال كرده‌وه."
دەشڵێت، "په‌یوه‌ندییه‌كانى عێراق و وڵاتانى دراوسێ و ناوچه‌كه و چه‌ند پرسێكى دیكه‌ى جێى بایه‌خى هابه‌ش، ته‌وه‌رێكى دیكه‌ى كۆبوونه‌وه‌كه بوو."
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment