سەرۆك نێچیرڤان بارزانی و سەرۆكی ئیمارات دووپات لەسەر گرنگی رێككەوتنی هەولێر و بەغدا دەكەنەوە
نوچه‌نێت
سەرۆكایەتی هەرێمی كوردستان لە راگەیێندراوێكدا باسی لە ناوەڕۆكی كۆبوونەوەكەی سەرۆك نێچیرڤان بارزانی و شێخ محەمەد بن زاید كردووە، ئەمە دەقەكەیەتی:
ئێواره‌ی ئه‌مڕۆ پێنجشه‌مه 2023/3/9 به‌ڕێز نێچیرڤان بارزانی، سه‌رۆكی هه‌رێمی كوردستان، به بانگهێشتی فه‌رمیی به‌ڕێز شێخ محه‌مه‌د بن زاید ئال نه‌هیان، سه‌رۆكی ئیمارات، گه‌یشته ئه‌بوزه‌بیی پایته‌ختی ئه‌و وڵاته.
له كۆبوونه‌وه‌یه‌كی دۆستانه‌دا، په‌یوه‌ندییه‌كانی عێراق و به‌تایبه‌تی هه‌رێمی كوردستان له‌گه‌ڵ ئیمارات، دۆخی عێراق و هه‌رێمی كوردستان، په‌یوه‌ندییه‌كانی هه‌ولێر ـ به‌غدا، بواره‌كانی هاریكاریی هاوبه‌ش و دوایین پێشهاته‌كانی ناوچه‌كه، تاوتوێ كران.
هه‌ردوولا جه‌ختیان له بره‌ودان به په‌یوه‌ندییه‌كان له هه‌موو بواره‌كاندا كرده‌وه و باسیان له ده‌رفه‌ته‌كان و زه‌مینه‌ی له‌باری سه‌رمایه‌گوزاری و وه‌به‌رهێنان بۆ كه‌رتی تایبه‌تی ئیماراتی و فراوانكردنی ئاڵوگۆڕی بازرگانیی ئیماراتی له‌گه‌ڵ هه‌رێمی كوردستان و عێراق كرد.
ده‌رباره‌ی گفتوگۆی حكوومه‌تی هه‌رێمی كوردستان و حكوومه‌تی فیدراڵیی عێراق، هه‌ردوولا هاوڕا بوون كه چاره‌سه‌ركردنی كێشه‌كانی هه‌ولێر ـ به‌غدا، یارمه‌تیی به‌رقه‌راربوونی ئارامی و سه‌قامگیریی سیاسی و ئابووریی عێراق ده‌دات و ئاسۆی فراوانتری پێشكه‌وتن له به‌رده‌میاندا ده‌كاته‌وه.
هه‌ردوولا ئاڵنگارییه‌كانی ئێستای ناوچه‌كه و جیهانیان خسته به‌ر باس له گۆڕانی كه‌شوهه‌وا و ڕێكاره‌كانی به‌ره‌نگاربوونه‌و‌ه‌ی مه‌ترسییه‌كانی، هه‌ڕه‌شه‌كانی تیرۆر و بیری توندڕه‌وی و توندوتیژی و ڕووبه‌ڕووبوونه‌وه‌یان، بواره‌كانی په‌روه‌رده، ئاو، ته‌ندروستی و چه‌ند بوارێكی دیكه.
هه‌ردوولا به وردی ده‌رباره‌ی دوایین پێشهاته‌كانی ناوچه‌كه بیروڕایان گۆڕییه‌وه و جه‌ختیان له گرنگیی پته‌وكردنی هاریكاریی هاوبه‌شی نێوان هه‌مووان كرده‌وه بۆ پاراستنی ئارامی و سه‌قامگیری و چاره‌سه‌ركردنی ئاشتیانه‌ی كێشه و ناكۆییه‌كان.
په‌یوه‌ندییه‌كانی عێراق و هه‌رێمی كوردستان له‌گه‌ڵ وڵاتانی دراوسێ و چه‌ند پرسێكی جێی بایه‌خی هاوبه‌ش، ته‌وه‌رێكی دیكه‌ی كۆبوونه‌وه‌كه بوو.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment