دیوانى شێخ مەحموود حەفید لەبارەى (كۆنگرەی نێودەوڵەتی مەولانا خالیدی نەقشبەندی) ڕوونکرنەوە دەدات
نوچەنێت:
ئەمڕۆ دووشەممە (سێى نیسان/2023) دیوانی شێخ مەحمودی حەفید لە ڕوونکردنەوەیەکدا دەڵێت، لە (كۆنگرەی نێودەوڵەتی مەولانا خالیدی نەقشبەندی) چەند چەند تۆمەتێکی بێ بنەما و هەوڵدان "بۆ درزخستنە نێو هەردوو تەریقەتی قادری و نەقشبەندی" هەڵبەستراوە.
لە بەشێکى ڕوونکردنەوەکەدا هاتووە، "ئەو تۆمەتانەی لە کۆنگرەکەدا درانە پاڵ شێخی نۆدێی و کاک ئەحمەدی شێخ جگە لە پڕوپاگەندە و بوختان هیچی تر نییە و دوورن لەڕاستیەوە."
دەقى ڕوونکردنەوەکەى دیوانى شێخ مەحموود حەفید لەبارەى كۆنگرەی نێودەوڵەتی مەولانا خالیدی نەقشبەندی:
بەناوی خودای بەخشندە و میهرەبان
کوردستانیانی خۆشەویست
سڵاوی ڕێزو ئەمەکداریتان پێشکەش دەکەین
بەپێویستمان زانی ئەم ڕونکردنەوەیە بۆ ڕای گشتی بڵاوبکەینەوە.
بەڕێزان:
ماوەیەک لەمەوبەر کۆنگرەیەکی نێودەوڵەتی لەشاری سلێمانی ئەنجامدرا بەمەبەستی خزمەتکردن بە ڕۆڵی تەسەوف و ئاینیی شێخ مەولانا خالیدی نەقشبەندی. بەستنی کۆنفرانسێکی زانستی بۆ زانا و کەسایەتییەکی دیاری مێژوویی کورد جێی دەستخۆشی و پێزانینە، بەڵام بەداخەوە ئاڕاستەی کۆنگرەکە گۆڕدرا بەرەو هێرشبردن و لەکەدارکردنی مێژووی شێخ مارفی نۆدێ و کاک ئەحمەدی شێخ و تەریقەتی قادری بەگشتی. هەروەها هەڵبەستنی چەند تۆمەتێکی بێ بنەما و هەوڵدان بۆ درزخستنە نێو هەردوو تەریقەتی قادری و نەقشبەندی. لەکاتێکدا ئێمە پێمان سەیرە و ئەو پرسیارە لەسەرپەرشتیارانی کۆنگرەکە دەکەین، ئایا هۆکاری گرتنەبەری ئەم سوکایەتی و چەواشەکاری و ناوزڕاندنە دەچێتە خزمەتی کێ و چ سودێک بە مێژوو و ئێستا و ئایندەی گەلەکەمان دەگەیەنێت؟
دەپرسین بۆچی و لەپای چی لەم کاتەدا ئەم پرسە دەورژێننەوە و تۆوی ناکۆکی و دووبەرەکی دەچێنن؟
دەپرسین بۆچی کێشەیەک ئێستا دەخرێتەوە بەر باس کە چەند سەدەیەک لەمەوبەر ڕویداوە و خۆشبەختانە هەر لەکاتی خۆیدا چارەسەرکراوە؟
هەموو دەزانن لەم کات و ساتە ناسکەدا هەرگیز ڕیزەکانی کورد هێندەی ئێستا لێکترازاو و پەرش و بڵاو نەبووە، دەبوو سەرپەرشتیارانی ئەم کۆنگرەیە لەخەمی یەکڕیزی و ئەم دۆخە ناهەموارەی هەرێم بوونایە کە زیانێکی زۆری بەناوبانگی کورد و ژیانی تاک بەتاکی کۆمەڵگاکەمان گەیاندوە، لەبری ئەو ئەرکە نیشتیمانییە، تازە بەتازە لەهەوڵی تێکدانی شیرازەی کۆمەڵگا و ئاشتی کۆمەڵایەتیدان. ئەوەی لەو کۆنگرەیەدا تێبینی کرا جگە لەتەشهیر، باسکردن لەوەهمێک بوو لەهزرو خەیاڵی چەند کەسانێکدا وا وێناکرابوو گوایا سەرهەڵدانی ناکۆکییەکان لە ئەنجامی هزری نەتەوایەتیەوە سەرچاوەی گرتووە، ئەمەش دوور و نزیک هیچ بنەمایەکی ڕاستی و زانستی نییە. بگرە خودی مەولانا خالیدی نەقشبەندی لێی بێبەرییە و بوختانە دەخرێتە پاڵی. ئەگەر سەرنجێک لە سەرچاوە مێژوویەکان بدرێت، بەئاشکرا ئەوە دەبینرێت ئەو ناکۆکییانە بەهۆی جیاوازی ڕای ئاینییەوە بووە نەک بابەتی نەتەوایەتی و بیری ناسیۆنالیستی. هەرچەند بوونی ڕاجیاوازی نيوان هەردوو تەریقەتەکە زۆر ئاسایی بووە و خۆشبەختانە ململانێیەکان هێندە شارستانی بوون تەنانەت نەبووەتە هۆی خوێنهاتن لە پەنجەی منداڵێکی کورد. کێشەکان هەر لەسەردەمی هەردوو زانای گەورەی کورد (شێخ مارف و مەولانا خالید) چارەسەر کراوە. دواتریش لەسەردەمی حاجی کاک ئەحمەدی شێخدا ئاڵوگۆڕی تەریقەت لەنێوان هەردوولا کراوە و بەیەکجاری کۆتایی بەناکۆکیەکان هاتووە. لێرەدا جارێکی تر بۆ هەموو کوردستانیانی بەڕێزی ڕوون دەکەینەوە کە ئەو تۆمەتانەی لە کۆنگرەکەدا درانە پاڵ شێخی نۆدێی و کاک ئەحمەدی شێخ جگە لە پڕوپاگەندە و بوختان هیچی تر نییە و دوورن لەڕاستیەوە. دوپاتی دەکەینەوە و دڵنیایان دەکەین کە ئەو نەخشە و هەنگاوانەی بۆ چەواشەکردنی مێژوو دەگیرێتەبەر جگە لە شکست و ماندووبوون هیچ ئەنجامێک نادات بەدەستەوە. کورد گوتەنی بەری ڕۆژ بە بێژنگ ناگیرێت.
دیوانی شێخ مەحمودی حەفید
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment