تورکیا بە فڕۆکەى بێفڕۆکەوان کۆمەڵگەى خانەسوور دەکاتە ئامانج کوردستانی

نوچەنێت:

دژە تیرۆرى کوردستان لە ڕاگەیێندراوێکدا، زانیارى نوێ لە بارەى بۆردوومانکردنى بارەگایەکی یەبەشە بڵاودەکاتەوە و دەڵێت، بریندار و قوربانى هەیە.

ئەمڕۆ سێشەممە (16/ئایار/2023) تورکیا بە فڕۆکەى بێفڕۆکەوان بارەگایەکى چەکدارانى پەبەشەى کردە ئامانج، دژە تیرۆرى کوردستان دەڵێت، چوار قوربانى و بریندارى هەیە.

دژە تیرۆرى کوردستان  لە بەشێکى ڕاگەیێندراوەکەدا ئاماژە بەوەدەکات، "کاتژمێر 12:00، فڕۆکەی بێفڕۆکەوانی سوپای تورکیا، بارەگایەکی چەکدارانی یەبەشەی لە کۆمەڵگەی خانەسووری سەر بە قەزای شنگال کردە ئامانج."

هاوکات لە بەشێکى ترى ڕاگەیێندراوەکەدا هاتووە، بە هۆى بۆردوومانەکە، "بەهۆیەوە (3) چەکدار کوژران و چەکدارێکی دیکەش بریندار بوو."

کۆمەڵگەی خانسۆر سەر بە ناحیەی سنوونێیە، کە دەکەوێتە سنووری شنگال لە نەینەوا. سنوونێ دەکەوێتە باکووری رۆژئاوای شنگال و نزیکە لە سنووری رۆژئاوای کوردستان و سووریا.

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین