پۆلیسى سلێمانى ژنێک بە تۆمەتى فێڵکردن لە هاووڵاتیان دەستگیرکرد کوردستانی

نوچەنێت:

بەڕێوەبەرایەتیى پۆلیسى سلێمانى ژنێک دەستگیرکرد، بە تۆمەتى ئەنجامدانى نوشتە و جادوو و فێڵکردن لە خەڵک.

ئەمڕۆ هەینى (حەوتى/تەمموز/2023) پۆلیسى سلێمانى بڵاویکردەوە، دواى "چاودێریكردنی ژنێك لە لایەن مەفرەزەكانی بەشی پۆلیسی نەهێشتنی تاوانی سلێمانییەوە كە گومان دەكرا كاری جادوو و نوشتە بكات، هێزەكانی پۆلیسی سلێمانی لە لێكۆڵینەوەكانیان بەردەوام بوون و سەرەنجام دوای وەرگرتنی بڕیاری بەڕێز دادوەر توانرا تۆمەتبار دەستگیربكرێت."

بەپێى ڕاگەیێندراوەکەى پۆلیسى سلێمانى، لەكاتی دەستگیركردنی تۆمەتبارەکەدا، "دەستگیرا بەسەر ژمارەیەك بەڵگەو نوسراوو و كەرەسەتەی جادوكردن كە تۆمەتبار نوشتە و جادووی كردووە و لە ڕێیەوە پارەی لە هاووڵاتیان وەرگرتووە .

هەروەها دەشڵێت، تۆمەتبار(و، ر، أ ) بەبڕیاری دادوەرو بەپێی ماددەی 456 لەیاسای سزادانی عیراقی ڕاگیراوە لێكۆڵینەوە بەردەوامە .

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین