تورکیا چیاى گارە و مەتین بۆردوومان دەکەن کوردستانی

نوچەنێت:

فڕۆکە جەنگییەکانى تورکیا بە چڕى بارەگانى پارتى کرێکارانى کوردستان لە  چیاى گارە و مەتین بۆردوومان دەکەن.

ئەمڕۆ سێشەممە (11/تەمموز/2023) بەپێى هەواڵێکى ماڵپەڕى رووداو، فڕۆکە جەنگییەکانى تورکیا چەند بارەگایەکى پەکەکەى لە چیاى گارە و مەتین بۆردوومان کردوو، هاووڵاتییەکى گوندى بەلاڤەى سنوورى دەڤەرى ئامێدى دەڵێت، ڕۆژانە تورکیا چیاى گارە و مەتین بۆردوومان دەکات.

ئەم بۆردوومانانەى تورکیا لە کاتێکدایە، ڕۆژى (18)ـى نیسانى (2022) وەزارەتى بەرگریى ئەو وڵاتە ئۆپەراسیۆنی (چنگ – قوفڵ)ـى لە ناوچەکانی ئاڤاشین، مەتین و زاپ لە نێو خاکی هەرێمی کوردستان بۆسەر پێگەکانی پەکەکە لە هەرێمی کوردستان ڕایگەیاند، کە بەپێى دواین ئامارى تورکیا، تائێستا (560) گەریلا گیانیان لەدەستداوە و (86) سەربازی تورکیا کوژراون، لە بەرامبەردا هەپەگەش دەڵێت، (929) کوژراون و (337) گەریلا گیانیان لەدەستداوە.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین