سبەى سەرۆک نێچیرڤان بارزانى لە باکۆ لەگەڵ ئیلهام عەلیێڤ کۆدەبێتەوە کوردستانی

نوچەنێت:

سەرۆک نێچیرڤان بارزانى، سەرۆکى هەرێمى کوردستان سبەى بە سەردانێکى فەرمى دەگاتە باکۆى پایتەختى ئازەربایجان و لەگەڵ سەرۆکى ئەو وڵاتە کۆدەبێتەوە.

ڕۆژى شەممە (18-2-2023) لە دووەمین رۆژی کۆنفرانسی ئاسایشی میونشن کە لە ئەڵمانیا سەرۆک نێچیرڤان بارزانی، سەرۆکی هەرێمی کوردستان لەگەڵ ئیلهام عەلیێڤ، سەرۆکی ئازەربایجان کۆبووەوە و بە فەرمى سەرۆکى هەرێمى کوردستان بانگهێشتى باکۆ کرد.

بەپێى زانیارییەکان، سەرۆکى هەرێمى کوردستان، سبەى سێشەممە (18-7-2023) به‌ سه‌ردانێکی فه‌رمی ده‌چێته‌ ئازه‌ربایجان و له باکو له‌گه‌ڵ به‌ڕێز ئیلهام عه‌لیێف سه‌رۆکی ئازه‌ربایجان کۆده‌بێته‌وه‌.

چاوەڕێى دەکرێ لە کۆبوونەوەکەى سەرۆک نێچیرڤان بارزانى و ئیلهام عەلیێڤ پەیوەندییەکانى هەرێمى کوردستان و ئازەربایجان تاوتوێ بکەن.

پێشتر لە کۆبوونەوەى سەرۆکى هەرێمى کوردستان و ئازەربایجان لە میونشن، ئیلهام عەلیێڤ، سەرۆکی ئازەربایجان رایگەیاند کە كار له‌سه‌ر كردنه‌وه‌ى كۆنسوڵخانه‌ى وڵاته‌كه‌ى له‌ هه‌ولێر ده‌كات و هەر لەو کۆبوونەوەیەشدا بە فەرمی نێچیرڤان بارزانی بانگهێشتكرد بۆ سه‌ردانى وڵاتەکەی.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین