سەرۆك بارزانی پێشوازی لە سەرۆكی كەنیسەی كلدان لە عێراق و جیهان دەكات
نوچەنێت:
ئەمڕۆ یەکشەممە (23/تەمموز/2023) لە سەلاحەددین سەرۆك مەسعود بارزانی پێشوازی لە پاتریارك كاردینال لویس ساكۆ، پاتریارك و سەرۆكی كەنیسەی كلدان لە عێراق و جیهان و شاندێكی یاوەری كرد كە پێكهاتبوو لە ژمارەیەك لە مەترانەكانی ئایینی كریستیان لە هەرێمی كوردستان و عێراق.
بارەگاى بارزانى لە ڕاگەیێندراوێکدا ئاماژە بەوەدەکات، كاردینال لویس ساكۆ سوپاسی ئەو ڕێز و پێزانینەی كرد كە لە "هەرێمی كوردستان بۆ هێما و كەسایەتییەكانی ئایینە جیاجیاكان هەیە. هەروەها سوپاسی فەرهەنگی پێكەوەژیانی كوردستانی كرد كە بووەتە هۆی پاراستنی پێكهاتەكان و مێژوو و كولتوورەكانیان."
هەروەها ڕاگەیێندراوەکە دەڵێت، كاردینال لویس ساكۆ "دەستخۆشیشی لە سەرۆك بارزانی كرد كە بە حیكمەت و ڕابەرایەتیی خۆی، پێكەوەژیان و ئاشتی و ژیانی هاوبەشی پێكهاتە جۆراوجۆرەكانی لە كوردستان پێشخستووە، ڕاشیگەیاند كە شانازی بەو ژیانە هاوبەش دەكەین كە بۆ هەموو لایەك لە كوردستاندا هەیە" لە بەشێكی تری وتەكانیدا "ئاماژەی بە بڕیاری ئەمدوایەی سەرۆككۆماری عێراق بۆ كشاندنەوەی مەرسوومی سەرۆككۆماریی تایبەت بە كەنیسەی كلدان دا، و بە بڕیارێكی نادروست و مەترسیداری لە قەڵەمدا كە پێكهاتەی كریستیانی بریندار كردووە و دژی بنەماكانی پێكەوەژیان و ئاشتەواییە."
.jpg)
سەرۆک بارزانى لە کۆبوونەوەکەدا گوتى، "كوردستان سەرزەمینی پێكەوەژیان و ئاشتەوایی نێوان هەموو پێكهاتە نەتەوەیی و ئایینییەكانە. ئەوەشی خستەڕوو كە لەشەڕی دژی تیرۆریستانی داعشدا بە شاندێكی پیاوانی ئایینی كریستیانم ڕاگەیاند كە كوردستان وڵاتی خۆتانە و نابێ بیر لە جێهێشتنی بكەنەوە، یان پێكەوە بە سەربەرزی لەسەر ئەو خاكە دەژیین یانیش پێكەوە دەمرین"، هەروەها سەرۆك بارزانی نیگەرانیی خۆی لە "بڕیارەكەی سەرۆككۆماری عێراق بۆ كشاندنەوەی مەرسوومی سەرۆككۆماریی تایبەت بە كەنیسەی كلدان نیشاندا و هیوای خواست كە پێداچوونەوە بە بڕیارەكە بكرێت و ڕاست بكرێتەوە."
لە بەشێكی تری ئەو دیدارە شاندی میوان كورتەیەكیان لەبارەی بارودۆخی پارێزگای نەینەوا و ژیان و گوزەرانی كریستیانەكان و ئەگەر و مەترسیەكانی داهاتوو بۆ سەرۆك بارزانی باس كرد.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment