حکومەى هەرێم و بەغدا لەسەر ناردنى شایستە داراییەکانى هەرێم ڕێککەوتن کوردستانی

نوچەنێت:

سەرۆک دیوانى ئەنجوومەنى وەزیران لە بارەى کۆبوونەوەکانی شاندى هەرێم و بەغدا ڕایگەیاند، لەسەر ئەو ئەو مادانەى پەیوەندییان بە هەرێمى کوردستانەوە هەیە لە یاساى بودجەى عێراق ڕێککەوتوون.

بەرەبەیانى ئەمڕۆ (27/7/2023) ئومێد سەباح، سەرۆکى دیوانى ئەنجوومەنى وەزیرانى هەرێمى کوردستان ناوەڕۆکى کۆبوونەوى شاندى هەرێم و بەغداى خستەڕوو و دەڵێت، ڕێککەوتووین.

ئومێد سەباح ڕوونکردنەوەى زیاتر دەدات و ڕایگەیاند، شاندى هەرێم و بەغدا گه‌یشتونەتە‌ رێککەوتن له‌سه‌ر جێبه‌جێكردنی بڕگه‌كانی تایبه‌ت به‌ هه‌رێمی كوردستان لە یاسای بودجەدا.

سەبارەت بە وادەى ناردنى بەشە بودجەى هەرێم گوتیشى، بڕیار وایه‌ ده‌ستبه‌جێ تەمویلی هه‌رێمی كوردستان بكرێت.

پەیوەست بە کۆبوونەوەکانى شاندى حکومەتى هەرێمى کوردستان و عێراق لە بەغدا، پێشەوا ھەورامانی، وتەبێژی حکومەتی ھەرێمی کوردستان بەرەبەیانیی ئەمڕۆ رایگەیاند، ئێستا شاندی هەرێمی کوردستان و حکومەتی عێراقی گەیشتنە رێککەوتن و لەزووترین کاتدا مووچەی فەرمانبەرانی هەرێمی کوردستان دابەشدەکرێت.

ئێوارەى دوێنێ چوارشەممە (26-7-2023) شاندى هەرێمى کوردستان گەیشتنە بەغدا بۆ گفتوگۆکردن لەسەر ناردنى بودجە و موچەى هەرێمى کوردستان.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین