شەهد.. ئەو ژنەی پەرلەمانتارێك بەدەركردن دەدات
نوچه‌نێت
مۆدیلەكان و سیاسەت
ماوەی چەند ساڵێكە دیاردەیەك لە عێراق هەیە، ئەویش دەركەوتنی كۆمەڵێك كچ و ژنی گەنجە لە تۆڕە كۆمەڵایەتییەكان، كە خەڵكانێكی زۆر بە خۆیان سەرقاڵ دەكەن. ئەو كچانە كە رۆژانە لە تۆڕە كۆمەڵایەتییەكان ڤیدیۆ و وێنەی سەرنجڕاكێشی خۆیان بڵاودەكەنەوە. زۆربەشیان خۆیان وەك راگەیاندنكار یان مۆدیل دەناسێنن و لە هەڵسوكەوتی رۆژانەیان دەردەكەوێ كە ئەوان لە ژیانێكی زۆر خۆشگوزەران دەژین خاوەنی كۆشك و پارە و ئۆتۆمبیلی چاكن.
یەكەم كاری سوودانی ئەوە بوو كۆمەڵێك مۆدیلی گرت
لەگەڵ هاتنی محەمەد شیاع سوودانی بۆ سەرۆكایەتی حكومەت، حكومەتی نوێ لە یەكەم هەنگاوەكانی ئەوە بوو هەڵمەتێكی بۆ گرتنی ئەو كەسانە دەستپێكرد كە لە تۆڕە كۆمەڵایەتییەكان "بابەتی ناشیاو" بڵاو دەكەنەوە، كە زۆربەی ئەوانەی بەر ئەو هەڵمەتە كەوتن جیا لە پیاوەكان، ئەو ژنانە بوون كە خۆیان وەك مۆدیل دەناسێنن. هەڵمەتەكەیش بە ناوی بڕیاری "ناوەڕۆك نزم و پووچ" ناسرا بوو، گوایە ئەو كەسانە دەگیرێن كە بابەتی كۆمەڵایەتی دوور لە نەریتە گشتییەكانی كۆمەڵگە بڵاودەكەنەوە.
گومانێكی زۆر لەسەر دەركەوتن و دەوڵەمەندبوونی خێرای ئەو ئافرەتانە هەبوو، دەگوترا زۆربەیان پەیوەندییان لەگەڵ كەسانی سیاسی هەیە، ئەو زانیارییانە پشتڕاست دەكرانەوە كاتێك خۆیان لە پەیام و ڤیدیۆكانیان راشكاوانە دەیانگوت پەیوەندییان لەگەڵ سیاسەتمەدار و بەرپرسان هەیە و دیارییان لێوەردەگرن، تەنانەت چەند دانایەكیان هەبوو لە ڤیدیۆكانیان زانیاری پێشینەی رووداوەكانیان ئاشكرا دەكرد، یەكێك لەوان بەر لەوەی حكومەت رێكارییەكانی دابەزاندنی دۆلار بڵاوبكاتەوە، لە تۆڕە كۆمەڵایەتییەكان پێشبینی نزمبوونەوە و بەرزبوونەوەی بەهای دۆلاری دەكرد، ئەوەی جێی سەرنج بێت پێشببینیەكانیشی دروست دەردەچوون! تەنانەت هەندێکیان دەسەڵاتی خۆیان نیشان دەدات كە چەندە دەستڕۆیشتوون.
رووداوەكەی شەهد گومانی نەهێشت
یەكێك لەو كچانە بە ناوی شەهد تائی ناسراوە، ئەو وەك راگەیاندنكار خۆی دەناسێنێ، بەڵام وەك میدیاكانی عێراق باسی دەكەن، كارێكی میدیایی ئەوتۆی دیار نییە، تەنیا رێكلام بۆ چەند مادەیەكی جوانكاری ئافرەتان دەكات. بەگوێرەی زانیارییەكان شەهد لە ساڵی 1988 لە دایكبووە، دەگوترێ لەسەرەتای تەمەنی 20 ساڵی بەشداری لە كارێكی دراما كردووە. ئەگەرچی شەهد تا كۆتایی هەفتەی رابردوو تەنیا بە جوانییەكەی ناسرا بوو، بەڵام هەینی رابردوو بە هۆی بڵاوبوونەوەی ڤیدیۆیەك نەوەك تەنیا لە عێراق بەڵكو لە تەواوی وڵاتانی عەرەبی ناسرا و ڤیدیۆكەی لە كەناڵە جیهانییەكان پەخشكرا.
ڤیدیۆكەش ئەوەیە شەهد و ژنێكی تر لە ناوچەی حارسیەی بەغدا هێرش دەكەنە سەر ئەفسەرێكی پۆلیسی هاتوچۆ، سووكایەتی پێدەكەن.هۆكارەكە ئەوەیە شەهد بە ئۆتۆمبیلێكی جۆری تاهۆی رەش مۆدێل نوێ سەرپێچی كردووە و ئەفسەرەكەیش لێپرسینەوەی لەگەڵ كردووە لەمەوە دەبێتە كێشە و ڤیدیۆەكە نیشانی دەدات شەهد چەندان سووكایەتی گەورە بە ئەفسەرەكە دەكات. شەهد بەرگری لەخۆی دەكات بەوەی سەرەتا ئەفسەرەكە بە بەر چاوی منداڵەكانی سووكایەتی پێكردووە
بەهۆی نزیكیان لە بەرپرسان مۆدیلەكان پێشبینی دەكەن و پێشبینیەكانیشیان راست دەبێت
ئەوەی سەیر بێت لە رووداوەكە ئەوەیە بەها نووری كە گوتەبێژی دەوڵەتی یاسا و پەرلەمانتارە لە شوێنی رووداوەكە دەردەكەوێت و ژنەكان بە بیانووی گەیاندنیان بە بنكەی پۆلیس لە گرتن دەپارێزێ و كاتێك خۆی دەناسێنێ پەرلەمانتارە ئەو پۆلیسەكان وازی لێدەهێنن، بەڵام یەكسەر بەرپرسانی باڵای وەزارەتی ناوخۆ و خودی وەزیری ناوخۆ لە رووداوەكە ئاگادار دەكرێنەوە، ئەوانیش دەست بە رێكارییەكان دەكەن.
دوای دروستبوونی ناڕەزاییەكی فراوان، دەوڵەتی یاسا كە نووری مالیكی سەرۆكایەتی دەكات، بڕیاری دەركردنی بەها نووری لە هاوپەیمانییەكە دەدات.
پەرلەمانتارەكە چۆن بەرگری لەخۆی دەكات؟
بەها نووری پەرلەمانتار لە دیمانەیەكی تەلەڤزیۆنی كە لەگەڵ ئەحمەد مولا تەڵاڵ ئەنجامی داوە، باس لەوە دەكات بە رێكەوت بەو شوێنە تێپەڕیوە و وەك پەرلەمانتارێك ویستویەتی كێشەكە چارەسەر بكات و ئەوانی بردووەتە بنكەی پۆلیس لەوێ پێكهاتوونەتەوە، دواتر بڵاوبوونەوەی ڤیدیۆكە كێشەی دروست كردووە.
بەها نووری باس لەوەیش دەكات كە لەلایەن هاوپەیمانی دەوڵەتی یاسا گفتوگۆی لەگەڵ نەكراوە و بڕیاری دەركردنی بێ گوێگرتن لێی دەرچووە. بەڵام میدیاكانی عێراق و لێدوانە فەرمییەكان تەواوی قسەكانی نووری بەدرۆ دەخەنەوە، لەوانە وەزارەتی ناوخۆی عێراق رەتیدەكاتەوە هیچ ئاشتكردنەوەیەك لەنێوان ئەفسەرەكە و دوو ژنەكە هەبێت، جیا لەمەیش میدیاكانی عێراق بەڵگەیەكیان بڵاوكردووەتەوە، بەگوێرەی بەڵگەكە بێت ئەو ئۆتۆمبیلەی شەهد لێی خوڕیوە بە ناوی "بەها نووری"ییە. زۆربەی میدیاكان و پەیجەكان باس لەوە دەكەن كە بە نهێنی شەهد هاوسەرگیری لەگەڵ بەها نووری كردووە.
بە بڕوای چاودێرانی سیاسی نموونەی شەهد تائی دەریخست كە بە پارەی گەندەڵی و سیاسی، ئەم جۆرە مۆدیلانە دەردەكەون و پەیوەندی لەگەڵ بەرپرسان دەبەستن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment