هونەرمەند ئيبراهيم تاتڵيس چارەنووسی سامانەكەی ئاشكرا دەكات
نوچەنێت
وەرگێڕانی: دنیا ئەحمەد
ئیبراهیم تاتليس، هونەرمەند و سەرمایەدارى تورکیا ڕاى گشتى وڵاتەکەى و هەوادارانى تووشى سەرسوڕمان کرد، دواى ئەوەى دەرکەوت خاوه‌نى سه‌روه‌ت و سامانێكى خه‌ياڵييه بە ئاشکراکردنى سامانەکەى، تاتڵیس بە میدیاکانى تورکیاى ڕاگەیاند، بەر لە مردنى سامانەکەى بە دامەزراوە سەربازییەکانى وڵاتەکەى دەبەخشێت.
ئيبراهيم تاتليس ئاشکرای كردووە، خاوه‌نى دەیان پڕۆژەى وه‌به‌رهێنانى خانوو و چێشتخانه‌يه، سه‌باره‌ت به بەخشینى سه‌روه‌ت و سامانه‌كه‌شى دەڵێت، "دەزانم پێش مردنم سه‌روه‌ت و سامانه‌كه‌م چى لێ بكه‌م، ده‌يبه‌خشمه یەکێک لە دامه‌زراوه‌ى سه‌ربازییەکانى وڵاته‌كه‌م."
ماوه‌يه‌ك به‌ر له‌ئێستا ميدياكانى توركيا ده‌ستيانكردووه به ئاشكراكردنى سه‌روه‌ت و سامانى زۆربەی هونەرمەندە به‌ناوبانگه‌كانى وڵاته‌كه‌يان، ئيبراهيم تاتڵيس له لێدوانێكدا به‌مشێوه‌يه سه‌روه‌ت و سامانى خۆى ئاشكراکردوو و ڕایگەیاندووە، “خاوه‌نى كه‌بابخانه‌ى گه‌وره‌يه كه لەسەر رووبه‌رى (1.5) دۆنم له سيرانتێپه دروستکراوە، هەروەها خاوەنى باڵەخانەیەکى گەورەى ته‌له‌فیزيۆن و ماڵپەڕ و گرووپى كۆمپانياكانى تاتڵيس و بڕاندى جلوبه‌رگى باى تاتڵيسەس و چەندین ڤێلاى گرانبەها لە شوێنێکى جیاوازى تورکیایە."
ئەو هونەرمەندە تورکە، زیاتر لە (40) جۆر ئۆتۆمبێلى نایابى تایبەت بە خۆى هەیە و خاوەنى پڕۆژەى نیشتەجێبوونى بەهەشتى تاتڵيسەس کە لە (48) باڵەخانە پێکدێت، ئەمە جگە لە چەندین جۆرى بەلەمى تایبەت و جیاواز، لە زۆربەى شارە گەشتیارییەکانى تورکیا ڤێلا و شوێنى پشودانى هەیە.
میدیاکانى تورکیا ئاماژە بەوە دەکەن، ئيبراهيم تاتڵيس لە بوارى وەبەرهێنان و ڕاگەیاندندا خاوەنداریەتى چەند پڕۆژەیەکى گەورەى بازرگانى دەکات لەوانە، هۆتێلى تاتڵيسەس، پێنج ڕێستورانت و کەبابخانەى گەورە لە ئەستەمبۆڵ، کەناڵى تەلەفیزیۆنى دی سمارت و تەمپۆ و چەندین کۆمپانیاى بوارى ڕاگەیاندن.
ئه‌م هونه‌رمه‌نده له ڕابردوو له‌گه‌ڵ كوره گه‌وره‌كه‌ى به‌ناوى (ئه‌حمه‌د تاتڵيس) کێشە و ناکۆکى لەنێوانیان له‌‌سه‌ر سه‌روه‌ت و سامانەکەى دروستبوو، ئەمەیش دەنگدانەوەى زۆرى لە راگەیاندنەكانی توركیا هەبوو، هه‌ر بۆيه‌ش ئيبراهيم تاتڵيس رايگه‌ياندووه، كه پێش مردنى هه‌موو سه‌روه‌ت و سامانه‌كه‌ى بە هیچ کەسێک نادات، بەڵکوو ده‌به‌خشێته سوپاى توركيا.
سەرچاوە: T24
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment