سەرۆك نێچیرڤان بارزانی: دەبێت حكومەتی عێراقی فیدڕاڵی ئەركی خۆی جێبەجێ بكات
نوچه‌نێت
دەقی پەیامەكەی سەرۆك نێچیرڤان بارزانی :
له یادی (35) ساڵه‌ی ئه‌نفالی بادیناندا، به ڕێز و شكۆدارییه‌وه یادی شه‌هیدانی خه‌ڵكی سڤیلی بادینان و ته‌واوی قوربانییانی شاڵاوه‌كانی ئه‌نفال ده‌كه‌ینه‌وه. ساڵی 1988 له گه‌رمیانه‌وه تا بادینان (182) هه‌زار هاووڵاتیی بێتاوانی كوردستان به منداڵ و ئافره‌ت و پیر و گه‌نجه‌وه، بوونه قوربانیی ئه‌و تاوانه. سڵاو و دروود بۆ گیانی پاكیان ده‌نێرین.
دادگای باڵای تاوانه‌كانی عێراق، شاڵاوه‌كانی ئه‌نفالی به جینۆساید و تاوانی جه‌نگ و تاوانی دژی مرۆڤایه‌تی له قه‌ڵه‌م داوه، بۆیه له كاتێكدا گیانی پاكی شه‌هیدانی ئه‌نفال به بیر ده‌هێنینه‌وه، دووپاتی ده‌كه‌ینه‌وه كه حكوومه‌تی عێراقی فیدراڵی، ده‌بێ ئه‌ركی خۆی بۆ قه‌ره‌بووكردنه‌وه‌ی خێزان و كه‌سوكاری قوربانییان جێبه‌جێ بكات و له ئێش و ئازاریان كه‌م بكاته‌وه.
له‌م یاده‌دا سوپاس و پێزانینمان بۆ خه‌ڵكی جوامێر و دڵسۆزی هه‌ولێر و به‌حركه و ده‌وروبه‌ریان دووپات ده‌كه‌ینه‌وه. ئه‌وان ئه‌و ڕۆژه سه‌ختانه له كه‌مپه‌كانی جێژنیكان به هانای ڕاگوێزراوان و لێقه‌وماوانی ئه‌نفالی بادینانه‌وه چوون و ده‌ستی یارمه‌تی و هاوكارییان بۆ درێژ كردن.
خزمه‌تكردنی باشتری كه‌سوكاری ئه‌نفالكراوان، ته‌بایی و یه‌كڕیزیی ناوخۆییمان، كاری جددی و هه‌وڵدان بۆ دووباره‌نه‌بوونه‌وه‌ی تاوانه‌كانی وه‌ك ئه‌نفال و ناساندنی به جینۆساید له‌سه‌ر ئاستی جیهان، باشترین یادكردنه‌وه و وه‌فادارییه بۆ گیانی پاكی قوربانییانی ئه‌نفال و ته‌واوی شه‌هیدانی كوردستان.
ده‌بێ مێژوو و ڕابردووی تاڵی گه‌لانی عێراق، وانه و په‌ند و هانده‌ر بن بۆ كاری پێكه‌وه‌یی و یه‌كترقبووڵكردن و مسۆگه‌ركردنی مافی ته‌واوی پێكهاته‌كان له عێراقی نوێدا، بۆ ئه‌وه‌ی كاره‌ساته‌كانی ڕابردوو دووباره نه‌بنه‌وه و ئازادی و مافه ده‌ستوورییه‌كانی هه‌مووان پارێزراو بن.
نێچیرڤان بارزانی
سه‌رۆكی هه‌رێمی كوردستان
2023/8/25
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment