سەرۆک نێچیرڤان بارزانى: یه‌كڕیزى نێوان لایەنەکان تاقه ڕێگه‌ى تێپه‌ڕاندنى ئاڵنگارى و سه‌ختییه‌كانە
نوچەنێت:
ڕۆژى دووشەممە (11/ئەیلوول/2023) سەرۆکى نێچیرڤان بارزانى، سەرۆکى هەرێمى کوردستان پەیامێکى بڵاوکردەوە و دەڵێت، "یەکڕێزى تاکە تاقه ڕێگه‌ى تێپه‌ڕاندنى ئاڵنگارى و مه‌ترسى و سه‌ختییه‌كان و پاراستنى فیدراڵى و ماف و ده‌ستكه‌وته ده‌ستوورییه‌كانى هه‌رێمى كوردستان و هێنانه‌دیى ئێستا و داهاتوویه‌كى باشتره بۆ گه‌لى كوردستان."
دەقى په‌یامەکەى سه‌رۆك نێچیرڤان بارزانى بۆ یادى شۆڕشى مه‌زنى ئه‌یلوول:
له یادی 62 ساڵه‌ى شۆڕشى مه‌زنى ئه‌یلوولدا، سڵاو و دروود بۆ گیانى پاكى ڕابه‌رى شۆڕش، بارزانیى نه‌مر و هه‌موو ئه‌و خه‌باتگێڕ و پێشمه‌رگه قاره‌مانانه ده‌نێرین كه له‌پێناو ئازادیى گه‌ل و وڵاتدا گیانیان به‌خشى و له ڕێگه‌ى سه‌خت و دژوارى شۆرشدا ڕه‌نج و ماندوویییان كێشاوه. به‌وپه‌ڕى ڕێز پێزانین و شكۆدارییه‌وه، به بیریان ده‌هێنینه‌وه.
شۆڕشى مه‌زنى ئه‌یلوول، دایكى شۆڕشه‌كانى كوردستانه كه بووه هه‌ڵگرى به‌ها باڵاكانى گه‌لێكى سته‌مدیده و تینووى ئازادى و سه‌رفرازى. بووه كۆكه‌ره‌وه و ناسنامه‌ى نه‌ته‌وه‌یى و نیشتمانى و كولتووریى هه‌موو پێكهاته‌كانى گه‌لى كوردستان. بووه هیوا و ئومێدێكى مه‌زن، ئاگایى و هه‌ست و وشیاریى نه‌ته‌وه‌یى و نیشتمانى زیندوو كردووه. بووه دۆز و داواى مافه ڕه‌واكانى گه‌لێك كه به یه‌كڕیزى و ته‌بایى، ئاماده‌ى هه‌موو قوربانیدانێك بوو تا بگاته سه‌ركه‌وتن و ئامانجه باڵاكانى و ڕه‌وایه‌تى و ده‌نگى خۆى به هه‌موو جیهان گه‌یاند.
گه‌لى كوردستان له شۆڕشى مه‌زنى ئه‌یلوودا به بڕوا و به‌ره‌نگارى و گیانفیدایى و خوێن و قوربانى، یه‌كێك له سه‌رسه‌ختترین ڕژێمه خوێناوییه‌كانى ناوچه‌كه‌ى به چۆكدا هێنا و ناچارى كرد دان به مافه‌كانیدا بنێت. وێڕاى گه‌له‌كۆمه‌كیى نه‌یاران له دژى شۆڕش و نسكۆش، مه‌شخه‌ڵى شۆڕش هه‌رگیز نه‌كوژایه‌وه و ده‌ستكه‌وته‌كانى شۆڕش بوونه بناغه‌ى هه‌موو ده‌ستكه‌وت و مافه ده‌ستوورییه‌كانى دواترى گه‌لى كوردستان.
وه‌ك چۆن یه‌كڕیزى و ته‌بایى، هێز و بنه‌ماى شۆڕشى ئه‌یلوول بوو، له‌م یاده‌شدا جه‌خت له یه‌كڕیزى و ته‌بایى و یه‌كترقبووڵكردن و هاوكاریى نێوان ته‌واوى هێز و لایه‌ن و پێكهاته‌كانى گه‌لى كوردستان ده‌كه‌ینه‌وه. ئه‌مه تاقه ڕێگه‌ى تێپه‌ڕاندنى ئاڵنگارى و مه‌ترسى و سه‌ختییه‌كان و پاراستنى فیدراڵى و ماف و ده‌ستكه‌وته ده‌ستوورییه‌كانى هه‌رێمى كوردستان و هێنانه‌دیى ئێستا و داهاتوویه‌كى باشتره بۆ گه‌لى كوردستان.
دروود و سڵاو بۆ گیانى پاكى شه‌هیدانى شۆڕش و ته‌واوى شه‌هیدانى ڕێگه‌ى ئازادى.
نێچیرڤان بارزانى
سه‌رۆكى هه‌رێمى كوردستان
2023/9/11
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment