مەسرور بارزانی: بۆ پاراستنی مافە دەستوورییەكان لە بەغدام کوردستانی

نوچه‌نێت

مەسرور بارزانی سەرۆكی حكومەتی هەرێمی كوردستان لە تۆڕی كۆمەڵایەتی ئێكس پەیامێكی بڵاوكردووەتەوە و تێیدا دووپاتی دەكاتەوە بۆ پاراستنی مافە دەستوورییەكانی هاووڵاتیانی هەرێمی كوردستان لە بەغدایە.

ئەمڕۆ پێنجشەممە 14ی ئەیلوولی 2023 مەسرور بارزانی سەرۆكی حكومەتی هەرێمی كوردستان و قوباد تاڵەبانی جێگری سەرۆكی حكومەت و وەزیری دارایی هەرێم و چەندان بەرپرسی تر سەردانی بەغدای كرد و لە یەكەم هەنگاوی لەگەڵ محەمەد شیاع سوودانی سەرۆك وەزیرانی عێراق كۆبووەوە، مەسرور بارزانی لە تۆڕی كۆمەڵایەتی ئێكس پەیامێكی بڵاوكردووەتەوە ئەمە دەقەكەیەتی: 

من ئەمڕۆ لە بەغدام بۆ ئەنجامدانی گفتوگۆ لەگەڵ بەڕێز سەرۆك وەزیرانی فیدڕاڵی و سەرۆك كۆمار و سەرۆك پەرلەمان و هەندێك لە رێبەرانی لایەنە سیاسییەكان بۆ دووپاتكردنەوە لەسەر زامنكردنی پاراستنی مافە دەستوورییەكانی هاووڵاتیانی هەرێمی كوردستان، بەو ئومێدەی چارەسەری بۆ كێشە هەڵپەسێردراوەكان بدۆزینەوە.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین