سەرۆکى هەرێمى کوردستان لەگەڵ باڵیۆزى تورکیا لە عێراق کۆبووەوە کوردستانی

نوچەنێت:

سه‌رۆكى هه‌رێمى كوردستان له‌گه‌ڵ باڵیۆزى توركیا كۆبووه‌وه‌، هەردوولا جەختیان لە "له‌ بره‌ودان به‌ په‌یوه‌ندییه‌كان و هاریكاریى ها‌وبه‌ش به‌تایبه‌تى له‌ بوارى بازرگانى و ئابووریدا‌"  دەکەنەوە.

ڕۆژى سێشەممە (28/تشرینى دووەم/2023) سەرۆک نێچیرڤان بارزانى، سه‌رۆكى هه‌رێمى كوردستان، پێشوازى له‌ عه‌لى ڕزا گویناى، باڵیۆزى توركیا له‌ عێراق و شاندێكى یاوه‌رى كرد.

بەپێى ڕاگەیێندراوى سەرۆکایەتیى هەرێمى کوردستان، له‌ كۆبوونه‌وه‌یه‌كدا هه‌ردوولا "ستایشى ئاستى په‌یوه‌ندییه‌كانى توركیایان له‌گه‌ڵ عێراق و هه‌رێمى كوردستان كرد و جه‌ختیان له‌ بره‌ودان به‌ په‌یوه‌ندییه‌كان و هاریكاریى ها‌وبه‌ش به‌تایبه‌تى له‌ بوارى بازرگانى و ئابووریدا" كرده‌وه‌.

هەروەها باڵیۆزى تورکیا، ده‌رباره‌ى هه‌نارده‌كردنه‌وه‌ى نه‌وتى هه‌رێمى كورستانیش، "ئاماده‌ییى وڵاته‌كه‌ى بۆ هه‌نارده‌كردنه‌وه‌ دووپات كرده‌وه‌."

هاوكات سەرۆکى هەرێمى کوردستان،  سوپاسى هه‌ڵوێستى توركیاى كرد و ئاماژه‌ى به‌وه‌دا كه‌ بۆ ئه‌م مه‌به‌سته‌ "ئێستا هه‌ولێر و به‌غدا خه‌ریكى گفتوگۆى ته‌كنیكین."

لەڕاگەیێندراوەکەدا هاتووە، " دۆخى عێراق و هه‌رێمى كوردستان، په‌یوه‌ندییه‌كانى هه‌ولێر ـ به‌غدا، دۆخى پێكهاته‌كان له‌ عێراق و هه‌رێمى كوردستان و دوایین پێشهاته‌كانى ناوچه‌كه‌ به‌گشتى"، ته‌وه‌رێكى دیكه‌ى كۆبوونه‌وه‌كه‌ بوو كه‌  كۆنسوڵى گشتیى توركیا له‌ هه‌رێمى كوردستان ئاماده‌ى بوو.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین