سەرۆك نێچیرڤان بارزانی سەرەخۆشی لە بەدران ئەحمەد حەبیب دەكات کوردستانی

نوچەنێت:

سەرۆک نێچیرڤان بارزانى، سەرۆکى هەرێمى کوردستان بەبۆنەى کۆچى دواییى برایەکەى، سەرەخۆشى لە نووسەر و ڕۆژنامەنووسى ناسراو بەدران حەبیب دەکات.

ڕۆژى چوارشەممە (شەش/کانوونى یەکەم/2023) سەرۆکایەتیى هەرێمى کوردستان لە ڕاگەیێندراوێکدا دەڵێت، ئەمڕۆ سەرۆک نێچیرڤان بارزانی، سەرۆكی هەرێمی كوردستان، لە پەیوەندییەكی تەلەفۆنیدا لەگەڵ ڕۆژنامەنووس و نووسەری دیار بەدران ئەحمەد حەبیب، "بۆ كۆچی دواییی خوالێخۆشبووی برا گەورەیان، سەرەخۆشی لە خۆی و خانەوادە بەڕێزەكەیان كرد."

سەرۆک نێچیرڤان بارزانى، لە پەیوەندییە تەلەفۆنییەکەیدا، "وێڕای هاوخەمی، هیوای خواست خوای مەزن گیانی خوالێخۆشبوو بە بەزەیی و میهرەبانیی خۆی شاد بكات و ئارامی و دڵنەوایی بە هەمووان ببەخشێت."

لە ڕاگەیێندراوەکەدا هاتووە، لای خۆیەوە بەدران ئەحمەد حەبیب، سوپاس و پێزانینی بۆ پەیوەندی و هاوخەمیی بەڕێز سەرۆكی هەرێمی كوردستان دەربڕی.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین