سەرۆکى هەرێم سه‌ره‌خۆشى له‌ خانه‌واده‌ى شه‌هيد فه‌تاح ئاغاى سيوه‌يل ده‌كات کوردستانی

نوچه‌ نێت

سەرۆک نێچیرڤان بارزانى، سەرۆکى هەرێمى کوردستان، لە پەیوەندییەکى تەلەفۆنیدا سەرەخۆشى لە خانەوادەى شەهید فەتاح ئاغاى سیوەیل دەکات.

ئەمڕۆ هەینى (29/ كانوونى يەکەم/ 2023) سه‌رۆكى هه‌رێمى كوردستان، له‌ په‌يوه‌ندييه‌كى ته‌له‌فۆنيدا له‌گه‌ڵ زاگرۆس فه‌تاح ئاغا، بۆ كۆچى دواييى خوالێخۆشبوو خاتوو (ته‌ڵا قادر ئاغا)ى دايكيان و يادگار و هاوسه‌رى شه‌هيدى قاره‌مان فه‌تاح ئاغاى سيوه‌يل، پرسه‌ و سه‌ره‌خۆشى له‌ خۆى و خانه‌واده‌ به‌ڕێزه‌كه‌يان كرد.

سه‌رۆك نێچيرڤان بارزانى وێڕاى ده‌ربڕينى هاوسۆزى و هاوخه‌مى، هيواى خواست خواى مه‌زن گيانى خوالێخۆشبوو به‌ به‌زه‌يى و ميهره‌بانيى خۆى شاد بكات و ئارامى و دڵنه‌وايى به‌ خانه‌واده‌ى نيشتمانپه‌روه‌ر و تێكۆشه‌رى شه‌هيد فه‌تاح ئاغا و كه‌سوكار و خزمانى ببه‌خشێت.

لاى خۆيه‌وه‌ زاگرۆس فه‌تاح ئاغا سوپاس و پێزانينى خۆى و خانه‌واده‌ به‌ڕێزه‌كه‌يانى بۆ په‌يوه‌ندى و هاوبه‌شيى سه‌رۆك نێچيرڤان بارزانى له‌ خه‌م و پرسه‌كه‌ياندا ده‌ربڕى.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین