سەرۆکی حکومەتی ھەرێمی کوردستان لەگەڵ وەزیری بەرگریی تورکیا کۆبووەوە
نوچەنێت:
ئەمڕۆ چوارشەممە (حەوتی شوبات/2024) مەسرور بارزانی، سەرۆکی حکومەتی ھەرێمی کوردستان، پێشوازی لە یاشار گولەر، وەزیری بەرگریی تورکیا و شاندێکی یاوەری کرد.
لە کۆبوونەوەکەدا گفتوگۆ لەبارەی بارودۆخی گشتیی عێراق و پەرەپێدانی پەیوەندیی دوولایەنە کرا و جەخت لە گرنگیی "بەردەوامبوونی ھەماھەنگی و ھاریکاریی ھاوبەش لەپێناو ئاسایش و ئارامیی ھەرێمی کوردستان و عێراق و ناوچەکە" کرا.
بەپێی ڕاگەیێندراوی حکومەتی ھەرێم، "وەزیری بەرگری تورکیا، پرسە و ھاوخەمی بۆ گیانلەدەستدانی قوربانییانی ھێرشەکەی ھەولێر دەربڕی و ئاماژەی بەوە دا کە ھێرشەکە ھیچ پاساوێک ھەڵناگرێت".
ھاوکات مەسرور بارزانی لە کۆبوونەوەکەدا "خواستی ھەرێمی کوردستانی بۆ برەودان بە پەیوەندیی دوولایەنە لەسەر بنەمای دراوسێتیی باش و بەرژەوەندیی ھاوبەش دووپات کردەوە". گوتیشی، "ھەرێمی کوردستان وەک ھەمیشە فاکتەرێکی ئاسایش و سەقامگیری دەبێت و ڕێگەش نادات ببێتە مایەی ھەڕەشە و مەترسی بۆ دراوسێکانمان".
بەشێکی دیکەی ڕاگەیێندراوەکە دەڵێت، گرنگیی جێبەجێکردنی ڕێککەوتننامەی شنگال و ئاساییکردنەوەی دۆخی دەڤەرەکە و گەڕانەوەی ئاوارەکان بۆ شوێنەکانیان، تەوەرێکی دیکەی گفتوگۆکان بوو.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment