شاندێکی سەرۆکایەتیی ھەرێمی کوردستان لەگەڵ بەرپرسانی کۆشکی سپی و پێنتاگۆن کۆبوونەوە کوردستانی

نوچەنێت:

شاندێکی سەرۆکایەتیی ھەرێمی کوردستان لەگەڵ بەرپرسانى کۆشکى سپى و پێنتاگۆن و وەزارەتی دەرەوە و بەرگریی ئەمەریکا کۆبوونەوە و چەند پرسێکى گرنگ تاوتوێ دەکەن.

سەرۆکایەتیی ھەرێمی کوردستان لە ڕاگەیێندراوێکدا دەڵێت، لە بەردەوامیی سەردانەکەیاندا بۆ ئەمەریکا، ڕۆژی ھەینی (9-2-2024) شاندی سەرۆکایەتیی ھەرێمی کوردستان چەند کۆبوونەوەیەکی بەرفراوانیان لەگەڵ بەرپرسانی باڵای ئەمەریکی لە کۆشکی سپی و وەزارەتی دەرەوە و وەزارەتی بەرگری (پێنتاگۆن) ئەنجامدا بۆ گۆڕینەوەی بیروڕا دەربارەی "دوا پەرەسەندنەکان و برەودان بە پەیوەندییەکانی ئەمەریکا لەگەڵ ھەرێمی کوردستان لە چوارچێوەی ڕێککەوتنی ستراتیژیی عێراق و ئەمەریکادا."

سەرۆکایەتیی ھەرێمی کوردستان لە ڕاگەیێندراوێکدا دەڵێت، لە بەردەوامیی سەردانەکەیاندا بۆ ئەمەریکا، ڕۆژی ھەینی (9-2-2024) شاندی سەرۆکایەتیی ھەرێمی کوردستان چەند کۆبوونەوەیەکی بەرفراوانیان لەگەڵ بەرپرسانی باڵای ئەمەریکی لە کۆشکی سپی و وەزارەتی دەرەوە و وەزارەتی بەرگری (پێنتاگۆن) ئەنجامدا بۆ گۆڕینەوەی بیروڕا دەربارەی "دوا پەرەسەندنەکان و برەودان بە پەیوەندییەکانی ئەمەریکا لەگەڵ ھەرێمی کوردستان لە چوارچێوەی ڕێککەوتنی ستراتیژیی عێراق و ئەمەریکادا."

کۆبوونەوەکان لەگەڵ ھەر یەک لە ئامۆس ھۆکستا‌ین گەورە ڕاوێژکاری سەرۆک بایدن بۆ کاروباری وزە و وەبەرھێنان لە کۆشکی سپی، ئەزرا زیا، بریکاری وەزیری دەرەوە بۆ ئاسایشی سڤیل، دیموکراسی و مافەکانی مرۆڤ، دانیێل شاپیرۆ جێگری یاریدەدەری وەزیری بەرگری بۆ کاروباری ڕۆژھەڵاتی ناوەڕاست و ڤیکتۆریا تایلۆر، جێگری یاریدەدەری وەزیری دەرەوە بۆ کاروباری ڕۆژھەڵاتی نزیک، بەڕێوە چوون.

ڕاگەیێندراوەکە دەڵێت، لە کۆبوونەوەکاندا "پرسی وزە و گرنگیی ھەناردەکردنەوەی نەوتی ھەرێمی کوردستان، ھەڵبژاردنی داھاتووی پەرلەمانی کوردستان، پەیوەندییەکانی ھەولێر و بەغدا، دۆخی پێکھاتەکان و ئاوارەکان، ئازادیی ڕادەربڕین و مافەکانی مرۆڤ، جێبەجێکردنی ڕێککەوتننامەی شەنگال، پرۆسەی چاکسازی لە وەزارەتی پێشمەرگەی حکوومەتی ھەرێمی کوردستان و یەکخستنەوەی پێشمەرگە، دوایین پێشھاتەکانی دۆخی ئاڵۆزی ڕۆژھەڵاتی ناوەڕاست و شەڕ لە غەززە و ئەگەر و لێکەوتەکانی، خرانە بەر باس و گفتوگۆیان لەبارەیەوە کرا."

شاندی سەرۆکایەتیی ھەرێمی کوردستان فەوزی ھەریری، سەرۆکی دیوانی سەرۆکایەتی، فەلاح مستەفا یاریدەدەری سەرۆک بۆ کاروباری سیاسەتی دەرەوە و نیاز ساڵح مستەفا بەرپرسی پەیوەندییەکانی دەرەوە و دیپلۆماسی لە سەرۆکایەتی، بە یاوەریی تریفە عەزیز نوێنەری حکوومەتی ھەرێمی کوردستان لە واشنتۆن، بۆ دیدار و کۆبوونەوە لەگەڵ بەرپرسانی ئەمەریکی لە سەردانێکی چەند ڕۆژیداین بۆ ئەمەریکا.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین