نێچیرڤان بارزانی: مایەی شانازیمە کە ڕۆژگارێک لە ڕیزەکانی یەکێتیی قوتابیان دا کارم کردووە
نوچەنێت:
ڕۆژى یەکشەممە (18/شوبات/2024) نێچیرڤان بارزانى، جێگرى یەکەمى سەرۆکى پارتى دیموکراتى کوردستان ڕایگەیاند، "بەڕێز و پێزانینەوە لە خەبات و تێکۆشانی یەکێتیی قوتابیانی کوردستان لە ھەموو سەردەمەکاندا دەڕوانین کە ھەمیشە وەک قوتابخانەیەکی پێگەیاندنی سەرکردە و کادیرانی پێشکەوتوو بووە."
دەقی پەیامی پیرۆزبایی نێچیرڤان بارزانی، جێگرى یەکەمى سەرۆکى پارتى بۆ یەکێتیی قوتابیانی کوردستان:
بە گەرمی پیرۆزبایی یادی حەفتا و یەک ساڵەی دامەزراندنی یەکێتیی قوتابیانی کوردستان لە بەڕێزان سکرتێر و ئەندامانی سکرتاریەت و لقەکان و تەواوی ئەندامان و لایەنگرانی یەکێتییە پێشەنگەکەتان دەکەم، ھیوادارم ھەمیشە لە سەرکەوتن و پێشکەوتنی بەردەوامدا بن.
مایەی شانازیمە کە ڕۆژگارێک لە ڕیزەکانی یەکێتیی قوتابیانی کوردستاندا کارم کردووە و لەگەڵ کۆمەڵێک ھاوپۆل و ھاوکار و ھاوڕێی قوتابیدا، خزمەتمان بە ئامانجەکانی ئەو ڕێکخراوە پێشەنگە کردووە، بەڕێز و پێزانینەوە لە خەبات و تێکۆشانی یەکێتیی قوتابیانی کوردستان لە ھەموو سەردەمەکاندا دەڕوانین کە ھەمیشە وەک قوتابخانەیەکی پێگەیاندنی سەرکردە و کادیرانی پێشکەوتوو بووە.
لەم یادەدا جەخت لە ڕۆڵی یەکێتیی قوتابیانی کوردستان دەکەینەوە بۆ برەودان بە کاری ڕێکخراوەیی و پاراستنی مافەکانی قوتابیان و ئەوپەڕی بایەخ و گرنگیدان بە زانست و فێربوون و پەروەردەیەکی دروست کە ببێتە بناغەی داھاتوویەکی باشتر و کۆمەڵگە و وڵاتێکی پێشکەوتوو، بۆ ئەمە ھیوا و بڕوامان بە قوتابیانی کوردستان و تواناکانیان ھەیە و ھەموو پشتگیریەکیان بۆ دووپات دەکەینەوە.
لەم یادەدا بەڕێزەوە ھەموو شەھیدانی یەکێتیی قوتابیانی کوردستان و تەواوی شەھیدانی کوردستان بەبیر دەھێنینەوە و سڵاو و دروود لە گیانی پاکیان.
نێچیرڤان بارزانی
(18-2-2024)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment