سەرۆكى هەرێمى كوردستان پەيامێكى لە ساڵيادى جينۆسايدى كوردانى فەيلى بڵاوكردەوە
ئەمڕۆ پێنجشەممە (چوارى نيسانى/ 2024) سەرۆكى هەرێمى كوردستان لە پەيامەكەى جەخت لەسەر ئەوە دەكاتەوە، كە ئەو جينۆسايدە مێژوويه‌كى ره‌ش و رابردوويه‌كى تاڵى پڕ له هه‌ڵه‌ى عێراقه كه بووه هۆى نه‌هامه‌تى و ناسه‌قامگيرى بۆ وڵات.
دەقی پەیامى سەرۆكى هەرێمى كوردستان:
ئه‌مڕۆ يادى به ئازارى چل و چوار ساڵه‌ى جينۆسايدى هه‌زاران كوردى فه‌يلى ده‌كه‌ينه‌وه كه له شاڵاوێكى دڕندانه‌ى رژێمى ئه‌وساى عێراقدا، له‌به‌ر كوردبوون و پشتگيرييان له شۆڕشى كوردستان، رووبه‌ڕووى كوشتن، گرتن، ده‌ركردن و بێسه‌روشوێنكردن بوونه‌وه و ره‌گه‌زنامه و سامان و ماڵ و حاڵيان لێسه‌نرايه‌وه.
له‌م ياده‌دا داواكاريمان له حكوومه‌تى فيدراڵيى عێراق دووپات ده‌كه‌ينه‌وه به‌پێى بڕيارى دادگای باڵای تاوانەکانی عێراق كه ئه‌و تاوانه‌ى به جينۆسايد ناساند، كوردانى فه‌يلى له هه‌موو روويه‌كه‌وه قه‌ره‌بوو بكاته‌وه، ره‌گه‌زنامه و موڵك و ماڵيان بۆ بگه‌ڕێنێته‌وه و كێشه‌كانيان چاره‌سه‌ر بكات، بۆ ئه‌مه‌ش به‌رده‌وام له هه‌وڵ و كۆششدا ده‌بين و هه‌رچى پێويست بێت هاوكار ده‌بين.
جينۆسايدى كوردانى فه‌يلى و هه‌موو هه‌وڵه‌كانى سڕينه‌وه و تاوانه‌كان ده‌رهه‌ق به گه‌لى كوردستان، مێژوويه‌كى ره‌ش و رابردوويه‌كى تاڵى پڕ له هه‌ڵه‌ى عێراقه كه بووه هۆى نه‌هامه‌تى و ناسه‌قامگيرى بۆ وڵات. ده‌بێ ئه‌و رابردووه بۆ هه‌موومان ببێته په‌ند و وانه و بۆ داهاتوويه‌كى باشتر له‌سه‌ر بنه‌ماى پێكه‌وه‌يى و يه‌كترقبووڵكردن له عێراق، سوودى لێ وه‌ربگرين.
سڵاو و دروود له ياد و گيانى پاكى شه‌هيدانى كوردى فه‌يلى و ته‌واوى شه‌هيدانى كوردستان.
نێچيرڤان بارزانى
سه‌رۆكى هه‌رێمى كوردستان
2024/4/4
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment