شاندى هه‌رێمى كوردستان جارێكى تر سه‌ردانى به‌غدا ده‌كات کوردستانی

نوچه‌نێت

ئومێد سه‌باح سه‌رۆكى دیوانى ئه‌نجوومه‌نى وه‌زیرانى هه‌رێمى كوردستان رایگه‌یاند، جارێكى تر شاندى هه‌رێمى كوردستان ده‌چێته‌ به‌غدا و گفتوگۆ له‌سه‌ر جێبه‌جێكردنى یاساى بودجه‌ ده‌كات.

ئه‌مڕۆ چوارشه‌ممه‌ 21ى نیسان ئومێد سه‌باح له‌ كۆنگره‌یه‌كى رۆژنامه‌وانى رایگه‌یاند، كه‌ له‌م نزیكانه‌ شاندى هه‌رێمى كوردستان سه‌ردانى به‌غدا ده‌كات بۆئه‌وه‌ى گفتوگۆ له‌سه‌ر جێبه‌جێكردنى یاساى بودجه‌ بكات.

ئومێد سه‌باح روونكردنه‌وه‌ى ئه‌وه‌ى دا، دانوستاندنى ئه‌مجاره‌ى حكومه‌تى هه‌رێم له‌گه‌ڵ به‌غدا جیاواز ده‌بێت و گوتى، "ئه‌مجاره‌ پسپۆڕیى ده‌بێت و وه‌زاره‌تى سامانه‌ سروشتییه‌كان له‌گه‌ڵ وه‌زاره‌تى نه‌وتى عێراق، وه‌زاره‌تى دارایى له‌گه‌ڵ وه‌زاره‌تى دارایى عێراق و  چاودێرى دارایى هه‌رێم له‌گه‌ڵ چاودێرى عێراق گفتوگۆ ده‌كه‌ن".

له‌به‌شێكى ترى لێدوانه‌كه‌ى سه‌رۆكى دیوانى ئه‌نجوومه‌نى وه‌زیران سه‌باره‌ت به‌ مووچه‌ باسى له‌وه‌ كرد،ئه‌م بابه‌ته‌ په‌یوه‌ندى به‌ بودجه‌ى هه‌رێمى كوردستانه‌وه‌ هه‌یه‌، له‌ كۆبوونه‌وه‌ى ئه‌مڕۆ هێڵه‌ گشتییه‌كانى بودجه‌ى گشتى هه‌رێمى كوردستان دیارى ده‌كرێت. 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین