هه‌رێمى كوردستان و ئێران جه‌خت له بره‌ودان به په‌یوه‌ندییه‌كانیان ده‌كه‌نه‌وه
نوچە نێت
به‌یانیى ئه‌مڕۆ پێنجشه‌ممه (12/ئەیلوول/2024) سەرۆك نێچیرڤان بارزانى، سه‌رۆكى هه‌رێمى كوردستان، له فڕۆكه‌خانه‌ى نێوده‌وڵه‌تیى هه‌ولێر، پێشوازیى له مه‌سعوود پزشكیان، سه‌رۆكى كۆمارى ئیسلامیى ئێران و شاندى یاوه‌رى كرد.
پاشان له كۆبوونه‌وه‌یه‌كدا به ئاماده‌بوونى مه‌سروور بارزانى، سه‌رۆك وه‌زیرانى هه‌رێمى كوردستان، د. فوئاد حسێن جێگرى سه‌رۆك وه‌زیران و وه‌زیرى ده‌ره‌وه‌ى عێراق، قوباد تاڵه‌بانى جێگرى سه‌رۆك وه‌زیرانى هه‌رێمى كوردستان و به‌رپرسانى باڵاى هه‌ردوولا، سه‌رۆك نێچیرڤان بارزانى، "وێڕاى ده‌ربڕینى خۆشحاڵى به سه‌ردانه‌كه، یه‌كه‌م سه‌ردانى به‌ڕێز سه‌رۆكى كۆمارى ئیسلامیى ئیرانى بۆ عێراق و هه‌رێمى كوردستان، به په‌یامێكى به‌هێزى دۆستایه‌تیى نێوان هه‌ردوولا له قه‌ڵه‌م دا."
هەروەك لە ڕاگەیێندراوەكەی سەرۆكایەتیی هەرێمی كوردستاندا هاتووە، سەرۆك نێچیرڤان بارزانی "خواستى هه‌رێمى كوردستانى بۆ بره‌ودان به په‌یوه‌ندییه‌كان و فراوانكردنى هاریكاریى هاوبه‌ش له‌گه‌ڵ كۆمارى ئیسلامیى ئێران له هه‌موو بواره‌كاندا نیشان دا، هه‌روه‌ها دووپاتى كرده‌وه كه گه‌لى كوردستان هه‌میشه به ڕێز و پێزانینه‌وه له پشتگیرى و هاوكاریى ئێران له ڕۆژه سه‌خته‌كاندا ده‌ڕوانێت."
هاوكات مەسعود پزشكیان لای خۆیەوە خۆشحاڵیى خۆى به "سه‌ردانى عێراق و هه‌رێمى كوردستان ده‌ربڕى و دووپاتى كرده‌وه كه كۆمارى ئیسلامیى ئێران به بایه‌خ و گرنگییه‌وه له په‌یوه‌ندییه‌كانى له‌گه‌ڵ عێراق و هه‌رێمى كوردستاندا ده‌ڕوانێت و وڵاته‌كه‌ى خوازیاره له هه‌موو بواره‌كان په‌یوه‌ندییه‌كانى له‌گه‌ڵیاندا به‌ره‌وپێش ببات و گرفت و به‌ربه‌سته‌كانى به‌رده‌مى، نه‌هێڵن.
بە گوێرەی ڕاگەیێندراوەكە، هه‌ردوولا "ستایشى په‌یوه‌ندیى دۆستانه و له‌مێژینه‌ى ئێران له‌گه‌ڵ هه‌رێمى كوردستان له بواره‌كانى سیاسى، كۆمه‌ڵایه‌تى و كولتووریدا كرد. پاشان به‌ڕێزان سه‌رۆك وه‌زیران و جێگرى سه‌رۆك وه‌زیرانى هه‌رێمى كوردستان، باسیان له ئاستى ئێستاى په‌یوه‌ندیى ئابوورى و ئاڵوگۆڕى بازرگانى و چۆنیه‌تیى فراوانكردنیان و بواره‌كانى هاریكاریى هاوبه‌شى نێوانیان كرد."
له ته‌وه‌رێكى دیكه‌ى كۆبوونه‌وه‌كه‌دا چه‌ند پرسێكى جێى بایه‌خى هه‌ردوولا، تاوتوێ كران و باسیان له گرنگیى پاراستنى ئارامى و سه‌قامگیرى له ناوچه‌كه‌دا كرد. له‌مباره‌یه‌وه جه‌خت له‌وه كرایه‌وه كه "هه‌رێمى كوردستان هه‌رگیز نابێته سه‌رچاوه‌ى هه‌ڕه‌شه بۆ سه‌ر ئێران و وڵاتانى دراوسێ و به ته‌واوى پابه‌ندى ڕێككه‌وتنى ئه‌منیى عێراق و ئێرانه."
دواى كۆبوونه‌وه‌كه، به به‌شداریى سه‌رۆكى هه‌رێمى كوردستان، به‌ڕێز سه‌رۆكى كۆمارى ئیسلامیى ئێران و شاندى یاوه‌رى، دیدارێكیان له‌گه‌ڵ لایه‌نه سیاسییه‌كان و پێكهاته ئایینى و نه‌ته‌وه‌یییه‌كانى كوردستان ئه‌نجام دا.
تیایدا باس له بایه‌خ و گرنگیى په‌یوه‌ندییه‌كانى عێراق و هه‌رێمى كوردستان له‌گه‌ڵ ئێران و ده‌وڵه‌مه‌ندیى كۆمه‌ڵگه فره‌ئایین و فره‌نه‌ته‌وه‌كان كرا و هه‌ردوولا داكۆكییان له ئاشتى، پێكه‌وه‌ژیان، ته‌بایى و برایه‌تیى نێوان گه‌لانى ناوچه‌كه و ته‌واوى پێكهاته‌كان كرده‌وه.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment