سەرۆكی هەرێمی كوردستان پێشوازی لە سەرۆكی رەوتی حكیمە دەكات کوردستانی

نوچە نێت

سەرۆك نێچیرڤان بارزانی، سەرۆكی هەرێمی كوردستان پێشوازی لە عەمار حەكیم، سەرۆكی رەوتی حیكمە دەكات، لە دیدارێكدا گفتوگۆیان لەسەر پەیوەندییەكانی نێوان هەولێر و بەغدا كرد.

 ئه‌مڕۆ سێشه‌ممه‌ (29/ تشرینی یەكەم/ 2024)  سه‌رۆكى هه‌رێمى كوردستان، له‌ دیدارێكدا له‌ هه‌ولێر له‌گه‌ڵ عه‌ممار ئه‌لحه‌كیم، سه‌رۆكى ڕه‌وتى حیكمه‌ى نیشتمانیى عێراقى، هه‌ڵبژاردنه‌كانى په‌رله‌مانى كوردستان و ئه‌نجامه‌كانى تاوتوێ كرد و به‌ڕێز ئه‌لحه‌كیم پیرۆزباییى سه‌ركه‌وتنى هه‌ڵبژاردنى له‌ سه‌رۆك نێچیرڤان بارزانى كرد، هه‌روه‌ها ده‌رباره‌ى په‌یوه‌ندییه‌كانى هه‌ولێر ـ به‌غدا و دۆخى ناوچه‌كه‌، بیروڕایان گۆڕییه‌وه‌.
هه‌ردوولا جه‌ختیان له‌سه‌ر‌ گرنگیى به‌رده‌وامیى گفتوگۆى هه‌ولێر ـ به‌غدا كرده‌وه‌ و هاوڕا بوون كه‌ چاره‌سه‌ركردنى كێشه‌كان به‌ لێكگه‌یشتن و له‌سه‌ر بنه‌ماى ده‌ستوور، ده‌بێته‌ هۆى پته‌وكردنى ئارامى و سه‌قامگیریى زیاترى عێراق. هه‌ر له‌مباره‌یه‌وه‌ كارى پێكه‌وه‌یى و هاریكاریى نێوان هێز و لایه‌نه‌ سیاسییه‌كان و پێكهاته‌كانى عێراقیان له‌پێناو به‌رژه‌وه‌ندیى باڵاى وڵاتدا، به‌ پێویست له‌ قه‌ڵه‌م دا.
له‌ دیداره‌كه‌دا هه‌ردوولا داكۆكییان له‌وه‌ كرده‌وه‌ كه‌ پێویسته‌ هه‌موو لایه‌ك كار بۆ ئه‌وه‌ بكه‌ن ئارامى و سه‌قامگیرى له‌ ڕۆژهه‌ڵاتى ناوه‌ڕاست بپارێزرێت، به‌ هیچ شێوه‌یه‌ك عێراق له‌ ئاڵۆزییه‌كانى ناوچه‌كه‌وه‌ نه‌گلێت و له‌ لێكه‌وته‌كانى به‌دوور بێت

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین