سەرۆک نێچیرڤان بارزانی پیرۆزبایی لە د. مه‌حموود ئه‌لمه‌شهه‌دانى دەکات کوردستانی

نوچە نێت

سەرۆک نێچیرڤان بارزانی سەرۆکی هەرێمی کوردستان پیرۆزبایی لە د. مه‌حموود ئه‌لمه‌شهه‌دانى سەرۆکی نوێی ئه‌نجومه‌نى نوێنه‌رانى عێراق دەکات و رایگەیاند، "هه‌ڵبژاردنى به‌ڕێزیان هه‌نگاوێكى ئه‌رێنییه‌ به‌ره‌و قۆناغێكى نوێى هاریكارى و كارى هاوبه‌شى نێوان لایه‌نه‌ سیاسییه‌كانى وڵات."

ئەمڕۆ هەینی (یەکی تشرینی دووەم/2024) سەرۆک نێچیرڤان بارزانی سەرۆکی هەرێمی کوردستان به‌بۆنه‌ى هه‌ڵبژاردنی سه‌رۆكى ئه‌نجومه‌نى نوێنه‌رانى عێراق پەیامێکی بڵاوکردۆتەوە و دەڵێت، " به‌بۆنه‌ى هه‌ڵبژاردنه‌وەی به‌ سه‌رۆكى ئه‌نجومه‌نى نوێنه‌رانى عێراق، به‌ گه‌رمى پیرۆزبایى له‌ براى به‌ڕێزم د. مه‌حموود ئه‌لمه‌شهه‌دانى ده‌كه‌م، هیواى سه‌ركه‌وتنى بۆ ده‌خوازم. دڵنیاین كه‌ هه‌ڵبژاردنى به‌ڕێزیان هه‌نگاوێكى ئه‌رێنییه‌ به‌ره‌و قۆناغێكى نوێى هاریكارى و كارى هاوبه‌شى نێوان لایه‌نه‌ سیاسییه‌كانى وڵات له‌ به‌ڕێوه‌بردنى سیاسى و كارگێڕى و یاساداناندا."

سەرۆکی هەرێمی کوردستان لە پەیامەكەیدا ئاماژەی بەوەشكردووە، "هیواخوازین ئه‌م هه‌ڵبژاردنه‌ى به‌ڕێزیان ببێته‌ هۆى پته‌وكردنى پێكه‌وه‌ییى نیشتمانى بۆ به‌گه‌ڕخستنى هه‌موو هه‌وڵه‌كان له‌پێناو خزمه‌تكردنى باشترى وڵاتدا به‌ هه‌موو پێكهاته‌كانییه‌وه‌، هه‌روه‌ها ئه‌نجومه‌نى نوێنه‌ران كاراتر به‌رده‌وام بێت له‌ ئه‌ركى یاسادانان كه‌ وه‌ڵامگۆى چاوه‌ڕوانییه‌كانى گه‌ل بێت و سه‌قامگیرى و ئێستا و داهاتووى وڵات به‌هێزتر بكات."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین