سه‌رۆكى هەرێمى کوردستان لە‌گه‌ڵ سه‌يد عه‌ممار حه‌كيم كۆبووه‌وه‌ کوردستانی

نوچە نێت

نێچيرڤان بارزانى، سەرۆکی هەرێمی کوردستان، لەگەڵ به‌ڕێز سەید عەممار ئه‌لحەکیم سەرۆکی ڕەوتی حیکمەی نیشتمانی، کۆبووەوە، لەو کۆبوونەوە لەسەر گرنگى بەهێزکردنى تێگەیشتنى نیشتیمانى نێوان لایەنە سیاسییەکانى عێراق کرد.

ئێوارەى ئەمڕۆ دووشەممە (13/کانوونى دووەم /2025) سەرۆکى هەرێمى کوردستان له‌ كۆبوونه‌وه‌كه‌دا، گرنگيی بەهێزکردنی تێگەیشتنی نیشتمانيى نێوان لایەنە سیاسییەکانی عێراق و پێویستيی کاری هاوبەشیان تاوتوێ کرد بۆ دەستەبەرکردنی بەشداريی هەموو پێکهاتەکانی وڵات لە پرۆسەی سیاسی و بەڕێوەبردنی کاروباری وڵاتدا. له‌مباره‌يه‌وه‌ هه‌ردوولا هاوڕا بوون لەسەر گرنگيى پابەنديى بە دەستووره‌وه‌ وەک بنەمایەک بۆ چارەسەرکردنی پرسە ناکۆکەکان و بەدیهێنانی دادپەروەری لەنێوان پێکهاتەکانی وڵاتدا.
هەروەها هەردوولا جەختیان لەسەر گرنگيی یەکخستنی هەوڵەکان کردەوە بۆ تێپەڕاندنی ئاستەنگە سیاسی و ئابوورییەکانی بەردەم وڵات، لەگەڵ جەختکردنەوە لەسەر بنیاتنانی دیدگایەکی یەکگرتوو کە پشتگیريی سەقامگیری و پێشکەوتنی عێراق بکات.
له‌ ته‌وه‌رێكى ديكه‌ى كۆبوونه‌وه‌كه‌دا، باسیان لە پەرەسەندنەکانی ناوچه‌كه‌ كرد و جەختیان لە بره‌ودان به‌ هاريكارى و هەماهەنگيی هاوبەشى لايه‌نه‌ سياسييه‌كان کردەوە بۆ ڕووبەڕووبوونەوەی لێکەوتەکانی، به‌سه‌ر وڵاته‌وه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین