كۆنسوڵى گشتیى فه‌ڵه‌ستین سوپاسی سەرۆك نێچیرڤان بارزانی ده‌كات کوردستانی

نوچە نێت

كۆنسوڵی گشتیی فەڵەستین بە بۆنەی كۆتاییهاتنی ئەركەكە سەردانی سەرۆكی هەرێمی كوردستان دەكات و "سوپاس و پێزانینى بۆ پشتگیرى و هاوكاریى سه‌رۆك نێچیرڤان بارزانى" لەسەر خستنی ئەركەكەی دەربڕی.

به‌یانیى ئه‌مڕۆ یه‌كشه‌ممه‌ (19/كانوونی دووەم/2025) سەرۆك نێچیرڤان بارزانى، سه‌رۆكى هه‌رێمى كوردستان، به‌ بۆنه‌ى كۆتاییهاتنى ئه‌ركه‌كه‌یه‌وه‌، پێشوازیى له‌ باڵیۆز نه‌زمى حزوورى، كونسوڵى گشتیى فه‌ڵه‌ستین له‌ هه‌رێمى كوردستان كرد.

بە گوێرەی ڕاگەیێندراوی سەرۆكایەتیی هەرێمی كوردستان، له‌ كۆبوونەوەكەدا سه‌رۆك نێچیرڤان بارزانى سوپاسى حزوورى-ی كرد بۆ كار و هه‌وڵه‌كانى له‌ بره‌ودان به‌ په‌یوه‌ندییه‌كانى فه‌ڵه‌ستین له‌گه‌ڵ هه‌رێمى كوردستاندا و هیواى سه‌ركه‌وتنى له‌ ئه‌ركی داهاتوویدا بۆ خواست.

لاى خۆیه‌وه‌ حزوورى، "سوپاس و پێزانینى بۆ پشتگیرى و هاوكاریى سه‌رۆك نێچیرڤان بارزانى و لایه‌نه‌ په‌یوه‌ندیداره‌كانى هه‌رێمى كوردستان له‌ سه‌رخستنى ئه‌ركه‌كه‌ى ده‌ربڕى و خواستى فه‌ڵه‌ستینى بۆ بره‌ودان به‌ په‌یوه‌ندییه‌كانى له‌گه‌ڵ هه‌رێمى كوردستاندا، دووپات كرده‌وه‌."

هەروەك لە ڕاگەیێندراوەكەدا هاتووە، ئاگربه‌ست له‌ غه‌ززه‌ و دوایین پێشهاته‌كانى ناوچه‌كه‌، ته‌وه‌رێكى دیكه‌ى كۆبوونەوەكە بوو.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین