سەرۆکی حکومەتی هەرێمی کوردستان لەگەڵ سەرۆک وەزیرانی بەلجیکا کۆبووەوە کوردستانی

نوچە نێت

سەرۆكی حكوومەتی هەرێمی كوردستان و سەرۆك وەزیرانی لەلجیكا، "گرنگیی پاراستنی مافە دەستوورییەکانی هەرێمی کوردستان و دۆخی گشتیی عێراق و ناوچەکە" تاوتوێ دەكەن.

ئەمڕۆ سێشەممە (21/كانوونی دووەم/2025) مەسرور بارزانی، سەرۆکی حکومەتی هەرێمی کوردستان، لە چوارچێوەی بەشداریکردنیدا لە داڤۆس، لەگەڵ ئەلیکساندەر دیکروو، سەرۆک وەزیرانی بەلجیکا کۆ بووەوە.

حكومەتی هەرێم لە ڕاگەیێندراوێكدا دەڵێت، لە كۆبوونەوەكەدا سەرۆک وەزیرانی بەلجیکا ئاماژەى "بە گرنگی پێگەی هەرێمی کوردستان کرد و ئامادەیی وڵاتەکەی بۆ پێشخستنی زیاتری پەیوەندییەکانی نێوان هەرێمی کوردستان و بەلجیکا دەربڕی."

لەو كۆبوونەوەیەدا هەروەك لە ڕاگەیێندراوەكەدا هاتووە، سەرۆکی حکومەت سوپاسی هاریکاری و پشتیوانیی بەلجیکای بۆ هەرێمی کوردستان کرد. .

سەبارەت پەیوەندییە دوو لایەنەكان، هەردوولا هاوڕا بوون "لەسەر پەرەپێدانی هاریکاری و هاوئاهەنگیی دوولایەنە، بەتایبەتی لە بوارەکانی ئاڵوگۆڕی بازرگانی و ئابووری."

ڕاگەیێندراوەكە دەشڵێت، "گرنگیی پاراستنی مافە دەستوورییەکانی هەرێمی کوردستان و دۆخی گشتیی عێراق و ناوچەکە و گۆڕانکاری و پەرەسەندنەکانی سووریا، تەوەرێکی دیکەی گفتوگۆکان بوو."

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین