کۆشکی ئیلیزێی رایگەیێندراوێکى لەبارەی پەیوەندیی تەلەفۆنیی سەرۆک نێچیرڤان بارزانی و ئیمانوێل ماکرۆن بڵاوکردەوە کوردستانی

نوچە نێت

بەگوێرەى راگەیێندراوى کۆشکی سەرۆکایەتیی فەرەنسا-ئیلیزێ ئیمانوێل ماکرۆن، سەرۆکى فەرەنسا جەختی لە پابەندبوونی فەرەنسا بە یەکێتی و ئاسایشی عێراق و هەرێمی کوردستان کردەوە.

ئەمڕۆ هەینى (31/ كانوونى دووەم/ 2025) كۆشکى ئیلیزێ راگەیێندراوێکى لەسەر ناوەرۆکى گفتوگۆکانى سەرۆکى فەرەنسا و سەرۆک نێچیرڤان بارزانى بڵاوکردەوە، لە راگەیێندراوەکە هاتووە، سەرۆک کۆمار دووبارە داوای جێبەجێکردنی راگواستنێکی سیاسیی دادپەروەرانەی کرد کە رێز لە هەموو پێکهاتەکانی کۆمەڵگەی سووریا بگرێت و کوردەکانی سووریا دەبێت بە تەواوی لە دیالۆگی نیشتمانیدا بەشدارییان پێ بکرێت."
لە پەیوەندییە تەلەفۆنییەکەدا، وەکو کۆشکی ئیلیزێ باسی دەکات، ماکرۆن جەختی لەوە کردووەتەوە کە "فەرەنسا بەردەوام دەبێت لە پشتگیریکردنی هێزەکانی سووریای دیموکرات کە سەرکردایەتیی شەڕی دژی داعش دەکەن، بە رێزگرتنی تەواو لە سەروەری سووریا. ئەم پەیامانە لە لایەن فەرەنساوە دەگەیەنرێتە هاوبەشە هەرێمی و نێودەوڵەتییەکانی لە کۆنفرانسی سووریا کە لە (13)ى شوبات لە پاریس لەلایەن وەزارەتی ئەورووپا و کاروباری دەرەوە رێکدەخرێت."
کۆشکی سەرۆکایەتیی فەرەنسا باسی ئەوەش دەکات، لە میانەی ئەم گفتوگۆیەدا، هەردوو سەرۆک لە هاوڕابوون "کە پەیوەندییە تایبەتەکانی نێوان فەرەنسا و هەرێمی کوردستان دەبێت زیاتر بەهێز بکرێن، بەتایبەتی لە بواری ئابووریدا. هەروەها جەختیان لە پابەندبوونیان بە شێوازی کۆنفرانسی بەغدا کردەوە. سەرۆک کۆمار ئامادەیی خۆی بۆ بەشداریکردن لە سێیەم خولی ئەم کۆنفرانسە دەربڕی، کە دەکرێت لە ساڵی (2025) ببەسترێت." 
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین