هەرێمی کوردستان و ئەمەریکا پرۆسەی چاکسازیی هێزی پێشمەرگەیان تاوتوێ کرد کوردستانی

نوچە نێت

لە سەرۆكایەتیی هەرێمی كوردستان و بەرپرسانی هەرێمی كوردستان و شاندێکی هاوبەشی سەربازی و دیپلۆماسیی ئەمەریکا كۆبوونەوە و هەنگاوەكانی چاكسازییان تاوتوێ كرد.

ئەمڕۆ چوارشەممە (30/نیسان/2025) لە سەرۆکایەتیی هەرێمی کوردستان، کۆبوونەوەیەکی فراوان لە نێوان بەرپرسانی هەرێمی کوردستان و شاندێکی هاوبەشی سەربازی و دیپلۆماسیی ئەمەریکا، سەبارەت بە پرۆسەی چاکسازی و ڕێکخستنەوەی هێزی پێشمەرگە، بەڕێوە چوو.

هەروەك لە ڕاگەیێندراوی سەرۆكایەتیی هەرێمی كوردستان هاتووە، "لە کۆبوونەوەکەدا، وێڕای خستنەڕووی دوا هەنگاوەکانی پرۆسەی چاکسازی، گرنگیی پرۆسەکە و کارکردن بۆ چارەسەرکردنی ئاستەنگەکانی بەردەمی، دووپات کرایەوە. سەبارەت بە جێبەجێکردنی قۆناغەکانی داهاتوو، جەخت لە هاوکاری و هاریکاریی هاوبەشی نێوان هەردوولا بە ئاراستەی سەرخستنی پرۆسەکە، کرایەوە."

هەروەها دەشڵێت، دۆخی گشتیی ناوچەکە و پێشهاتەکانی، تەوەرێکی دیکەی گفتوگۆکانی کۆبوونەوەکە بوو.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین