سەرۆك نێچیرڤان بارزانی: مامۆستایان پێشهنگ و کۆڵەکەی سەرەکیی بنیاتنانی کۆمەڵگەن
نوچە نێت
ئەمڕۆ پێنجشەممە (15/ئایار/2025) سەرۆك نێچیرڤان سەرۆكی هەرێمی كوردستان پەیامێكی لە ساڵیادی (63) ساڵەی دامەزرانی یەکێتیی مامۆستایانی کوردستان بڵاوكردەو و دەڵێت، "مامۆستایان پێشهنگ و کۆڵەکەی سەرەکیی بنیاتنانی کۆمەڵگەن و گەرەنتیی پەروەردەکردنی مرۆڤی هۆشیارن كه شانازى به ناسنامهكهیانهوه دەکەن."
دەقی پەیامەكەی سەرۆك نێچیرڤان بارزانی سەرۆكی هەرێمی كوردستان:
یادى شەست و سێ ساڵهى دامەزراندنی یەکێتیی مامۆستایانی کوردستان لە هەموو مامۆستایانی خۆشەویستی کوردستان و سکرتارییەتی یەکێتیی مامۆستایان پیرۆز دەکەم، هیوای سەرکەوتن و پێشکەوتنی بەردەوامیان بۆ دەخوازم.
پەیامى بەرز و ڕۆڵی مامۆستایان لە پێگەیاندنی نەوەکان بەرز دەنرخێنین و ههموو ههوڵێك لهپێناو دابینكردنى ژیانێکی شایستە بۆ ئهوان دهدهین کە لەگەڵ پێگەی پەروەردەیی و نیشتمانییاندا بگونجێت. بهردهوام دهبین له كاركردن بۆ دابینکردنی ژینگەیەکی فێرکردنی گونجاو و هاوچەرخ كه وەبەرهێنانێکی ڕاستەوخۆیە لە داهاتووی کوردستاندا.
مامۆستایان پێشهنگ و کۆڵەکەی سەرەکیی بنیاتنانی کۆمەڵگەن و گەرەنتیی پەروەردەکردنی مرۆڤی هۆشیارن كه شانازى به ناسنامهكهیانهوه دەکەن. لە هەموو قۆناغەکاندا دڵسۆزییان سەلماندووە، ههر لە گۆڕەپانەکانی خەباتهوه تا هۆڵهكانى خوێندن، هەمیشە پارێزەری هۆشیاری و زمان و بەهاکان بوون. ڕۆڵیان لە بەردەوامیى پرۆسهى فێرکردن لە سەختترین هەلومەرجدا، جێى ڕێز و پێزانینه.
دهستخۆشى له یەکێتیی مامۆستایانی کوردستان دەکەین بۆ نوێنەرایەتیکردنی توێژی مامۆستایان و بەرگریکردن لە مافەکانیان. بە ڕێزەوە قوربانیدانی ئەو مامۆستایانە بەبیر دێنینەوە کە گیانیان لەپێناو ئازادیدا بهخشى. سڵاو بۆ هەموو ئهو مامۆستایانهى به دڵسۆزی و لهخۆبوردوویى ئەرکی پیرۆزیان جێبەجێ دەکهن.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment