لیژنەی دانوستاندنی پارتی و یەکێتی دابەشكردنی پۆستە سەرەكییەكان تاوتوێ دەكەن کوردستانی
بەیانی ئەمڕۆ جارێکی تر پارتی دیموکراتی کوردستان و یەکێتی نیشتمانیی کوردستان لە هەولێر کۆبوونەوە سەبارەت بە دانوستاندنەکان بۆ پێکهێنانی کابینەی دەیەمی حکومەتی داهاتووی هەرێمی کوردستان ئەنجامدا.

ڕۆژی چوارشەممە (21/ئایار/2025) ماڵپەڕی (شەفەق نیوز) بڵاویکردەوە، دوای زنجیرەیەک دانیشتنی پێشوو بە ئامانجی کەمکردنەوەی ناکۆکی سیاسی و گەیشتن بە ڕێککەوتن لەسەر دابەشکردنی پۆستە سەرەکییەکان و پێکهێنانی کابینەی نوێ، شاندی دانوستاندکاری پارتی و یەکێتی لە هەولێر کۆبوونەوە.

بە گوێرەی زانیارییەکان، شاندی پارتی بە سەرۆکایەتی هۆشیار زێبارییە و هەریەک لە هەریەکە لە پشتیوان سادق، دڵشاد شەهاب و ئومێد سەباح ئەندامی شاندەکەن، شاندی یەکێتیش بە سەرۆکایەتیی قوباد تاڵەبانییە و دەرباز کۆسرەت و نزار ئامێدی ئەندامی شاندەکەن.

زیاتر لە شەش مانگ بەسەر هەڵبژاردنی پەرلەمانی هەرێمی کوردستاندا تێپەڕیوە، چەندین کۆبوونەوەی جیاواز لە نێوان پارتی دیموکراتی کوردستان و یەکێتی نیشتمانیی کوردستان ئەنجام دراوە، ناکۆکییەکانی ئێستا بەزۆری لەسەر پۆستە باڵاکانی جێبەجێکردن و کارگێڕین.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین