سەرۆک نێچیرڤان بارزانی بەبۆنەی ساڵی نوێی كۆچی: هیوادارم ساڵى سه‌ركه‌وتن و كامه‌رانى بێت کوردستانی

نوچە نێت

سەرۆکی هەرێمی کوردستان پەیامێکی بە بۆنەی سەری ساڵی نوێی کۆچی بڵاوکردەوە و دەڵێت، "سەری ساڵی نوێی کۆچی به‌ گه‌رمی لە ته‌واوی موسڵمانان له‌ کوردستان، عێراق و جیهان پیرۆز ده‌که‌م".

ڕۆژی پێنجشەممە (26/حوزەیران/2025) سەرۆکایەتیی هەرێمی کوردستان ڕایگەیاند، سەرۆک نێچیرڤان بارزانی، سەرۆکی هەرێمی کوردستان پەیامێکی بە بۆنەی سەری ساڵی کۆچی بڵاوکردەوە و دەڵێت، "یەکی موحەڕڕەم، سەری ساڵی نوێی کۆچی به‌ گه‌رمی لە ته‌واوی موسڵمانان له‌ کوردستان، عێراق و جیهان پیرۆز ده‌که‌م. هیوادارم ساڵی نوێ، خێر و خۆشی، ئارامی و ئاسووده‌یی بۆ هه‌مووان له‌گه‌ڵ خۆیدا بهێنێت و ساڵى سه‌ركه‌وتن و كامه‌رانى بێت".

سەرۆکی هەرێمی کوردستان دەشڵێت، "له‌م بۆنه‌یه‌دا دووپاتی ده‌که‌ینه‌وه‌ که‌ وه‌ک هه‌میشه‌ کوردستان نیشتمانی فره‌یی و پێكه‌وه‌ژیانى ئاشتییانه‌ و یه‌كترقبووڵكردن و لێبورده‌یى له‌نێوان ته‌واوى پێكهاته‌ ئایینى و نه‌ته‌وه‌یییه‌كاندا ده‌بێت".

لە کۆتایی پەیامەکەی سەرۆکدا هاتووە، "ئه‌رکی هه‌موومانه‌ پێکه‌وه‌ له‌پێناو ئێستا و داهاتوویه‌كى باشتردا بۆ کوردستانییان كار بكه‌ین".

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین