كۆنسوڵخانەی ئەمەریكا سەركۆنەی هێرشەكانی سەر هەولێر دەكات کوردستانی

نوچە نێت

كۆنسوڵخانەی ئەمەریكا لە هەولێر سەركۆنەی هەردوو هێرشی درۆنی رۆژانی (14 و 15)ی ئەم مانگە دەكات بۆ سەر كێڵگە نەوتییەكات، داواش دەكاخات حكومەتی عێراق دەسەڵاتی خۆی بۆ رێگری لەو هێرشانە پەیڕەو بكات

ئەمرۆ سێشەممە (15/تەمووز/2025) كۆنسوڵخانەی ئەمەریكا لە هەولێر راگەیێندراوێكی بڵاوكردەوە، تێیدا هاتووە، ویلایەتە یەکگرتوەکانی ئەمەریکا سەرکۆنەی ئەو ھێرشە درۆنیانەی ئەم دواییە دەکات لە سەرانسەری ءێراقدا، بە ھەردوو ھێرشی درۆنی 14 و 15 مانگی تەموزیشەوە بۆ سەر ژێرخانی گرنگی کێڵگە نەوتیەکانی خۆرمۆڵە و سەرسەنگ لە ھەرێمی کوردستانی عێراقدا. 

لە بەشێكی دیكەی راگەیێندراوەكە جەخت لەسەر ئەە دەكاتەوە، كە پێویستە حکومەتی عێراق پیادەی دەسەڵاتی خۆی بکات بۆ ڕێگریکردن لە لایەنە چەکدارەکان بۆ ئەنجامدانی ئەو ھێرشانە بۆسەر ئەو شوێنانە لە ناو خۆی وڵاتدا، بەو شوێنانەشەوە کە کۆمپانیا عێراقی و نێودەوڵەتیەکان وەبەرھێنانیان لە داھاتوی عێراقدا کردووە. 

لەبەشێكی دیكەی راگەیێندراوەكە هۆشداری دەدات و دەڵێ، ئەو ھێرشانە قبوڵکراونین و ھەڕەشەن بۆسەر سەروەری عێراق و تەگەرە دەخەنە بەردەم ھەوڵەکانی عێراق بۆ سەرنج ڕاکێشانی وەبەرھێنانی دەرەکی. ھانی حکومەتی عێراق دەدەین لێکۆڵینەوە بکات تا بزانێت کێ لە پەنای ھێرشەکانەوەیە و ڕووبەڕووی بەرپرسیارێتیان بکاتەوە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین