دادگای باڵای فیدراڵیی عێراق دوو سکاڵای لە بەرژەوەندیی هەرێمی كوردستان ڕەتکردەوە کوردستانی

نوچە نێت

دادگای باڵای فیدراڵیی عێراق دوو سکاڵای لەسەر پێدانی مووچە لە هەرێمی کوردستان ڕەتکردەوە و ڕایگەیاند، "لە دەسەڵاتی ئەواندا نییە".

ڕۆژی دووشەممە (28/تەمموز/2025) ماڵپەڕی (شەفەق نیوز) بڵاویکردەوە، دادگای باڵای فیدراڵیی عێراق دوو سکاڵای ڕەتکردەوە، سکاڵای یەکەم ژمارە (107) لە دژی محەمەد شیاع سودانی، سەرۆک وەزیرانی عێراق و تەیف سامی، وەزیری دارایی عێراق بوو، کە تایبەت مەند بوو بە بڕیار دانێک بۆ بەردەوامی مووچەی فەرمانبەران لە هەرێم بەبێ کاریگەری ناکۆکی سیاسی و ڕێککەوتنی ئێستای نێوان بەغدا و هەولێر.

هاوکات سکاڵای دووەم ژمارە (104) تایبەت بوو بە تەیف سامی، وەزیری دارایی عێراق، بە گوێرەی سکاڵاکە داواکرابوو کە ناردنی مووچەی مووچەخۆرانی هەرێمی کوردستان بەردەوام بێت و دوور بخرێتەوە لە هەر ناکۆکییەک سەبارەت بە یاسای بوودجە یان هەر بابەتێکی تر.

جێگەی ئاماژە پێدانە، تۆمارکردنی ئەو سکاڵایانە لە دادگای باڵای فیدڕاڵیی عێراق دوای ئەوە دێت، حکومەتی عێراق بەردەوام بووە لە دواکەوتنی ناردنی مووچە مووچەخۆرانی هەرێم، بەهۆی کردارەکانی حکومەتی عێراقەوە هاووڵاتییانی هەرێم ڕووبەڕووی دۆخێکی سەختی ئابووری بوونەوە.

عێراق، هەرێمی کوردستان، دادگای باڵای فیدڕاڵیی عێراق

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین