سه‌رۆك نێچیرڤان بارزانى: هێرشه درۆنییه‌كان زیان به ته‌واوى ئابووریى عێراق ده‌گه‌یه‌نن
نوچە نێت
ئەمڕۆ چوارشەممە (30/تەمووز/2025) سەرۆکایەتیی هەرێمی کوردستان بڵاویکردەوە، سەرۆک نێچیرڤان بارزانى، سه‌رۆكى هه‌رێمى كوردستان لەگەڵ جێگرى ئه‌دمیراڵ ئێدوارد ئالگرین، ڕاوێژكارى باڵاى به‌ریتانیا بۆ ڕۆژهه‌ڵاتى ناوه‌ڕاست و باكوورى ئافریكا كه له ژماره‌یه‌ك ڕاوێژكار و كونسوڵى گشتیى به‌ریتانیا له هه‌رێمى كوردستان پێكهاتبوو کۆبوونەوە.
بەگوێرەی ڕاگەیێندراوەکە، له كۆبوونه‌وه‌‌كە سوپاسالارى پێشمه‌رگه ئاماده‌ى بوو، "دۆخى ئه‌منیى عێراق و هه‌رێمى كوردستان و ناوچه‌كه و په‌یوه‌ندییه‌كانى هه‌ولێر ـ به‌غدا تاوتوێ كران، هه‌روه‌ها تیشك خرایه سه‌ر مه‌ترسییه ئه‌منییه‌كان و هه‌ڕه‌شه‌كانى داعش له‌سه‌ر ئارامى و سه‌قامگیریى ناوچه‌كه."
هەر لەو کۆبوونەوەیە، سه‌رۆك نێچیرڤان بارزانى دووپاتى كرده‌وه، "كه داعش هێشتا مه‌ترسییه‌كى ڕاسته‌قینه‌یه و هه‌ڕه‌شه له ئارامى و سه‌قامگیریى عێراق و سووریا ده‌كات. ده‌رباره‌ى هێرشه درۆنییه‌كانیش بۆ سه‌ر هه‌رێمى كوردستان، به‌ڕێزیان به ئامانجگرتنى ژێرخانى وزه‌ى له هه‌رێمى كوردستان، به هه‌ڕه‌شه و زیان بۆ ته‌واوى ئابووریى عێراق له قه‌ڵه‌م دا و داكۆكى له‌وه كرده‌وه كه پێویسته ڕێگرى له‌و هێرشانه بكرێت."
لاى خۆیه‌وه ئالگرین وێڕاى نیشاندانى پابه‌ندیى به‌ریتانیا به بره‌ودان به په‌یوه‌ندییه‌كان و هاریكاریى هاوبه‌ش له‌گه‌ڵ عێراق و هه‌رێمى كوردستان، دووپاتى كرده‌وه كه وڵاته‌كه‌ى به بایه‌خ و گرنگییه‌كى زۆره‌وه له ئارامى و سه‌قامگیریى ناوچه‌كه ده‌ڕوانێت، هه‌روه‌ها هه‌موو هاوكارى و پشتیوانییه‌كى به‌ریتانیاى بۆ پاراستنى ئاسایش و سه‌قامگیریى عێراق و هه‌رێمى كوردستان و ناوچه‌كه نیشان دا.
لە ڕاگەیێندراوەکەدا ئاماژە بەوەکراوە، سیستمى فیدراڵى له عێراق، په‌یوه‌ندییه‌كانى عێراق و هه‌رێمى كوردستان له‌گه‌ڵ وڵاتانى دراوسێ، دۆخى سووریا و مافه‌كانى كورد و پێكهاته‌كان له‌و وڵاته، له‌گه‌ڵ دوایین پێشهاته‌كانى پرۆسه‌ى ئاشتى له توركیا، ته‌وه‌رێكى دیكه‌ى كۆبوونه‌وه‌كه بوو.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment