سه‌رۆك نێچیرڤان بارزانى: كار و خزمه‌تى مرۆیى ده‌زگاى خێرخوازیى بارزانى نموونه‌یه‌كى باڵاى یارمه‌تیدان بووه‌ کوردستانی

نوچە نێت

سەرۆكی هەرێمی كوردستان پیرۆزبایی لە ساڵیادی دامەزراندنی دەزگای خێرخوازیی بارزانی دەكات و دەڵێت، "كار و خزمه‌تى مرۆیى و خێرخوازى و به‌هانا‌وه‌چوونى ده‌زگاى خێرخوازیى بارزانى" نموونه‌یه‌كى باڵاى مرۆڤپه‌روه‌رى و یارمه‌تیدان بووه‌.

ئەمڕۆ دووشەممە (چواری ئاب/2025) سەرۆك نێچیرڤان بارزانی سەرۆكی هەرێمی كوردستان لە پەیامێكدا بە بۆنەی یادی (20) ساڵەی دامەزراندنی پیرۆزبایی لە ده‌زگاى خێرخوازیى بارزانى دەكات و دەستخۆشییان لێدەكات، "بۆ ئه‌و هه‌موو ئه‌رك و خزمه‌ته‌ مرۆیى و خێرخوازییه‌ى جوامێرانه‌ پێشكه‌شیان كردووه‌."

 

دەقی پەیامەكەی سەرۆك نێچیرڤان بارزانی سەرۆكی هەرێمی كوردستان:

یادى بیست ساڵه‌ى دامه‌زراندنى ده‌زگاى خێرخوازیى بارزانى به‌ گه‌رمى و له‌ دڵه‌وه‌ له‌ به‌رپرسان و به‌ڕێوه‌به‌ران و كارمه‌ندانى پیرۆز ده‌كه‌م، ده‌ستخۆشییان لێ ده‌كه‌م بۆ ئه‌و هه‌موو ئه‌رك و خزمه‌ته‌ مرۆیى و خێرخوازییه‌ى جوامێرانه‌ پێشكه‌شیان كردووه‌، هیواى به‌رده‌وامى و سه‌ركه‌وتنیان بۆ ده‌خوازم.

كار و خزمه‌تى مرۆیى و خێرخوازى و به‌هانا‌وه‌چوونى ده‌زگاى خێرخوازیى بارزانى له‌ ماوه‌ى بیست ساڵى ته‌مه‌نیدا بۆ لێقه‌وماوان، به‌رجه‌سته‌كردنى گیانێكى به‌رزى مرۆیى، نموونه‌یه‌كى باڵاى مرۆڤپه‌روه‌رى و یارمه‌تیدان بووه‌ كه‌ جێپه‌نجه‌ى دیار و به‌رچاوه‌ و مایه‌ى ڕێز و پێزانینێكى زۆره‌.

نێچیرڤان بارزان

سه‌رۆكى هه‌رێمى كوردستان

2025/8/4

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین