سەرۆكی هەرێمی كوردستان جەخت بره‌ودان به‌ پێکه‌وه‌ژیان و یه‌کترقبووڵکردن دەكاتەوە کوردستانی

نوچە نێت

سەرۆکی هەرێمی کوردستان ڕایگەیاند، "له‌ یادی (92) ساڵه‌ی رۆژی شه‌هیدی ئاشووریدا، سڵاو بۆ گیانی قوربانییانی بێتاوانی کۆمه‌ڵکوژیی سێمێل ده‌نێرین".

ڕۆژی پێنجشەممە (7-8-2025) سەرۆک نێچیرڤان بارزانی، سەرۆکی هەرێمی کوردستان پەیامێکی لە تۆڕی کۆمەڵایەتی ئێکس بڵاوکردەوە و دووپاتی دەکاتەوە، "کوردستان بۆ هه‌میشه‌ به‌ لانه‌ و نیشتمانی هه‌مووان ده‌مێنێته‌وه‌".

سەرۆکی هەرێمی کوردستان لەم یادەدا دەشڵێت، "داکۆکی له‌ پاراستن و بره‌ودان به‌ کولتووری فره‌یی و پێکه‌وه‌ژیان و یه‌کترقبووڵکردن ده‌که‌ینەوە".

دەقی پەیامەکەی سەرۆک نێچیرڤان بارزانی، سەرۆکی هەرێمی کوردستان:

ئه‌مڕۆ له‌ یادی (92) ساڵه‌ی رۆژی شه‌هیدی ئاشووریدا، سڵاو بۆ گیانی قوربانییانی بێتاوانی کۆمه‌ڵکوژیی سێمێل ده‌نێرین که‌ ساڵی (1933) له‌گه‌ڵ دانیشتووانی زیاتر له‌ شه‌ست گوندی پارێزگاکانی مووسڵ و دهۆک، بوونه‌ قوربانیی ده‌ستی ده‌سه‌ڵاتی شاهانه‌ی ئه‌وسای عێراق.

له‌م یاده‌دا، داکۆکی له‌ پاراستن و بره‌ودان به‌ کولتووری فره‌یی و پێکه‌وه‌ژیان و یه‌کترقبووڵکردن ده‌که‌ین و هه‌موو پێکهاته‌کان دڵنیا ده‌که‌ینه‌وه‌ که‌ کوردستان بۆ هه‌میشه‌ به‌ لانه‌ و نیشتمانی هه‌مووان ده‌مێنێته‌وه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین